மான்சினீல் மயூரா 5
Maya5
Sujachandran
5 மான்சினீல் மயூரா !!
காலை அவசர கேஸ் என்று சேஷா மருத்துவமனை போய்விட்டு வீட்டுக்கு வர , அப்போதும் அவன் மனைவி குப்புற கிடந்து தூங்கி கொண்டுதான் கிடந்தாள்... இவன் சட்டையை கழட்டி போட்டு விட்டு வொர்க் அவுட் பண்ணிக் கொண்டிருக்க, சேஷா காதில் பாத்ரூம் உள்ளே பக்கெட் உடையும் சத்தம் , கிச்சனில் பாத்திரம் உருளும் சத்தம், துணிகள் அங்கும் இங்கும் பறந்தது சிறுது நேரத்தில் , அதே சர்ட் லுங்கியில் அவன் வீட்டு பெண்புயல் வெளியே கிளம்பியது... தலையை மட்டும் திருப்பி போகும் அவளை பார்த்துவிட்டு தன் உடற்பயிற்சியை அவன் தொடங்க ... சிறிது நேரத்தில் புளுப்புளுக்கும் சத்தம் கேட்டு அவள் வந்துவிட்டாள் என அறிந்தான்
"யானை விலை, குதிரை விலை சொல்றான், ஏய் இந்தா "என்று மயூரா , சேஷா பக்கத்தில் ஒரு பார்சலை தூக்கி போட்டவள்..
"உன் பேர்ல அக்கவுண்ட் தொடங்கி இருக்கேன்" பேப்பரை வாசித்துக் கொண்டிருந்தவன் பேப்பரை நகட்டி விட்டு அவளை பார்த்தவன்
"எந்த பேங்க்ல ? என்று ஷேஷா கண்ணை சுருக்க
"எந்த பேங்க்லையா, தெரு முக்குல இருக்கிற பெட்டிகடையில ஒன்னு, சூப்பர் மார்கெட்டுல ஒன்னு, ஹோட்டல்ல ஒன்னு , பூக்கடையில ஒன்னு மாச மாசம் கணக்கு முடிச்சுடு... இட்லியும் கட்டி சட்னியும் நாலு வாங்கினேன் ரெண்டு தான் திங்க முடிஞ்சது மீதி ரெண்டை பார்சல் போட்டு வாங்கிட்டு வந்தேன் நீ தின்னுடு .... ஆமா கேட்கணும்னு நினைச்சேன் எவ்வளவு சம்பளம் வாங்குற? சட்டையை அயர்ன் பண்ண நடந்த அவன் பின்னே மயூரா எலும்பு கூட்டின் கழுத்தில் கை போட்டு தூக்கி கொண்டு வந்து சேஷா அருகே உட்கார்ந்தாள்...
"ஒன்றரை லட்சம்
"ப்ச் அவ்வளவு தானா ? 15 லட்ச ரூபாய் வட்டிக்கு கொடுத்தா வட்டியே இதுக்கு மேல நான் வாங்குவேன் ...இந்த சம்பளத்துக்கு தான் மாங்கு மாங்குன்னு வேலை செய்றியா ?
என்ன செய்ய ? எனக்கு திறமை பத்தல
"இனிமே உன் சம்பள பணம் சுளையா என் கைக்கு வந்திடணும் வரணும்" அவன் கண்ணை சுருக்க தாலியை இழுத்து அவன் முகம் இடிக்க கொண்டு வந்து நீட்டிய மயூரா
"தாலி கட்டி இருக்கல்ல அதுவும் ஆறு முடிச்சு போட்டு கட்டி இருக்க , சோ பணம் வரணும் அவ்வளவு தான் டாட் புரியுதா?
"சம்பளம் எனக்கே கைக்கு வராது
"ஏன் ஏன் ஏன் ஏன் ??
"இஎம்ஐ போயிடும்
"ஏதே அப்படி என்ன நீ இஎம்ஐல வாங்கி போட்ட, ஒன்னும் விஷேசமா இல்லையே எதுவும் லேண்ட் ப்ராபர்ட்டி வச்சிருக்கியா என்ன ? என்ன வாங்குன சொல்லு" மிரட்டல் தாம்தூம் என்று இருந்தது... அவன் கையை நீட்ட இவள் அவன் கை போகும் இடம் நோக்கி பார்த்தவள் கண்ணை அகல விரிக்க ...
இதுக்கா இஎம்ஐ என்று எலும்புக்கூட்டை அவள் தூக்கி காட்ட
"ம்ம், அந்த ஸ்கெலிட்டன் எகிப்துல உள்ளது , அந்த மண்டை ஓடு பிரமீட்ல உள்ளது , சோ பிரீசியஸ் ,போன வருடம் தான் எகிப்து போய் பர்சேஸ் பண்ணிட்டு வந்தேன், 50 லட்சம் பக்கம் வந்துச்சு , வருடம் வருடம் ஷாப்பிங் போறது வழக்கம் என்ற் அவன் அவள் கேட்க கேள்விக்கு பதில் சொல்லி கொண்டே வேலையை செய்தான்... தாலி கட்டி இருக்கான்ல இனி பதில் சொல்லித்தான ஆகணும் ...
"அட பேயா, செத்தவன் எலும்புகூட்டையாடா இஎம்ஐ போட்டு வாங்கி வீட்டுல தொங்க விட்டிருக்க, சேஷா தோளை உலுக்கிட..
"ஊப்ப் எப்படியோ நாசமா போ , நீ எதையும் வாங்கு எப்படியும் போ.. ஆனா நான் இருக்கும் வரை என் இஷ்டபடி தான் வாழ்வேன், அதுக்கு டப்பு கொடுக்க வேண்டியது உன் கடமை ... எனக்கு புருசன் ஜாப் பார்கிறது ரொம்ப ரிஸ்க் தம்பி ... நீ வேணும்னா என் கால்ல விழுந்து மேடம் மேடம் உங்க கழுத்துல தாலி கட்டுனது தப்புதான் , நானே கழட்டிட்டு போறேன்னு நீ கட்டுன இந்த தாலியை நீயே கழட்டிட்டு போ... அய்யோ பாவம்னு உனக்கு வாழ்க்கை பிச்சை போடுறேன் ம்ம் கால் இந்தா" என்று மயூரா தன் முன்னே உட்கார்ந்து இருந்த அவன் முகம் முன் வெண்ணையில் உருட்டி எடுத்த அவள் அழகிய பாதரச விரல் கொண்ட காலை நீட்டிட , நாடியை விரல் வைத்து சுரண்டிய சேஷா
"கேட்க முடியாது
"அப்போ போ உன் சாவு என் கையில தான் ... என் இஷ்டபடி நீ இருக்க விடல உன்ன டார்ச்சர் பண்ணுவேன்.... நான் கேட்கிறது எல்லாம் வாங்கி கொடுத்து தான் ஆகணும் இல்லை உன் நிம்மதி கோவிந்தா தம்பி "
"என்ன வேணும் ?
"இப்பவே எனக்கு ஏசி ரூம் வேணும் , புழுக்கம் தாங்கல ..... உன்ன எவன் எனக்கு தாலி கட்ட சொன்னது , எனக்கு ஏசி ரூம் ரெடி பண்ணி தர்ற ...
"இல்லைன்னா
"இல்லை , நீ எலும்பு கூடு வச்சி உருவாக்கி வச்சிருக்க உன் வீட்டை பீஸ் பீஸா அடிச்சு உடைச்சு ஒன்னும் இல்லாம ஆக்கிடுவேன், சொல்லிட்டேன் என்ற மயூரா எலும்புக்கூட்டின் விரலுக்கு நெயில்பாலிஷ் அடித்து கொண்டு கூற ,
தன் சட்டையை அயர்ன் பண்ணி கொண்டிருந்த சேஷா போனை எடுத்து குனுங் குனுங் என்றான்
அது !!அந்த பயம் இருக்கட்டும் மயூராவா கொக்கா இங்க இருக்கிற வரை நான் சொல்றபடி நீ ஆடல செத்த மேன் நீ , என்று அங்கிருந்த ஆப்பிளை எடுத்து கடிக்க ஊதுபத்தி வாசம் வந்தது
"எதுக்கு இதுல ஊதுபத்தி ஸ்மெல் வருது
"காலையில ஆக்ஸிடெண்ட்ல ஒருத்தன் செத்துட்டான் போஸ்ட் மார்டம் முடிச்சதும் அங்கேயே பூ பழம் வச்சி சாங்கியம் பண்ணினாங்க"
"ஓஓஓ அவள் பழத்தை அடுத்த கடி கடிக்க போனவள் யோசனையாக
"பழத்தை எடுத்துட்டு வந்துட்டியா
"ஊதுபத்தியும் சேர்த்து, பழம் விக்கிற விலைக்கு அதை வச்சிட்டு வர முடியுமா? என்று சேஷா தோளை உலுக்க
"உவாக்ஆஆஆஆஆஆஆஆஆஆஆஆ என்று மயூரா குமட்டி கொண்டு ஓட ..... வாசலில் வந்து குட்டி ஆட்டோ நின்றது
"ஏசி ரூம் கேட்டல்ல வந்திருக்கு" என்றான் சட்டையை மாட்டி கொண்டே ...
"பரவாயில்லை சொன்னதும் வாங்கி கொடுத்துட்டான்" என்று மயூரா வெளியே வந்து பார்க்க
"சார் எங்க வைக்கணும்" என்று ஆறடி நீள பிரீசர் பெட்டியை இருவர் இறக்கி கொண்டு இருக்க
மேடம் தான் ஏசி கேட்டது ... அந்த அம்மாகிட்டேயே கேட்டு இடத்தை பிக்ஸ் பண்ணிடு, அதுல படுக்க போறது அந்த அம்மாதான் நமக்கும் இதுக்கும் சம்மந்தம் இல்லை
"நான் கேட்டது ஏசி ரூம்
"உள்ள போய் படுத்துக்க, ஏசி ரூம் விட குளுகுளுன்னு இருக்கும்
"நீ போய் படுறா நான் என்ன பிணமா, இதுல படுக்க
"வெயில்காலத்துல நானும் இதுதான் ஆர்டர் போட்டு படுப்பேன் செலவு கம்மி என்று தோளை உலுக்கி விட்டு சேசா போக
மயூரா பல்லை கடித்து போகும் அவன் முதுகை ஆங்கார மூச்சு விட்டு பார்த்தாள் ...
மேடம் எங்க வைக்கட்டும் என்ற இருவரையும் அங்கிருந்த எலும்பு கூட்டை எடுத்து சாத்து சாத்து என்று சாத்தி விட்டாள் ...
இதோ அவன் வீட்டுக்கு மகாராணியாக அவளே மணிமகுடம் சூட்டி வாழ ஆரம்பித்து ஒரு மாதம் தாண்டி விட்டது ...
அவன் வீடு ஆல்வேஸ் கலவர பூமியாகவே இருக்கும் அவள் தான் பேசுவாள் பேசுவாள் பேசி கொண்டே இருப்பாள் இவனிடம் இருந்து பதிலே வராது டயர்ட் ஆகி தூங்கி விடுவாள்... இவன் அழுத்த பார்வை பார்த்தால்
நான் உன் பொண்டாட்டி தாலி கட்டி இருக்க இந்த வீட்டுல எல்லா உரிமையும் எனக்கு உண்டு .. என்று தாலியை தூக்கி காட்டி வி்ட்டு போவாள்...
அவள் என்னதான் நினைத்து கொண்டு இருக்கிறாள் தெரியாது
இவன் என்னதான் நினைத்து கொண்டு அவளை விட்டு வைத்திருந்தான் தெரியாது
ஆனால் ஒரே தொழுவத்தில் கட்டப்பட்ட மாடாக இருவரும் இடித்து கொண்டு கிடந்தனர்..
மயூரா குளித்து முடித்து பக்கத்து கடையில் அவன் பேரில் கணக்கு வச்சி வாங்கிட்டு வந்திருந்த சுடிதாரை அணிந்து கொண்டு , வேலைக்கு கிளம்பி நின்ற சேஷா முன்னே வந்து நின்றவள்
"எங்க போற ? வேலைக்கு தான, போகும் போது ஜெயில் பக்கம் இறக்கி விட்டுட்டு போ "கேள்வி கேட்டாளே பதில் வந்துச்சா அந்த கவலை எல்லாம் அவளுக்கு இல்லை.. சேஷா பைக் பின்னே ரெண்டு காலை போட்டு ஏறி அமர்ந்து கொண்டவள், அவன் போனை முன்னே கை விட்டு எடுத்து காதில் வைத்தவள்
அம்மாவை பார்க்க விசிட்டிங் டைம் கேட்டு இருந்தேனே? "
ஓஓஓ சரி சரி இதோ கிளம்பிட்டேன் பத்து நிமிசத்துல அங்க இருப்பேன் .... என்று முடிக்கும் முன் பைக் சடார் புடார் என்று பிரேக் அடித்து நிற்க மயூரா என்ன என்று பார்க்க அவன் மருத்துவமனை முன்னே பைக் நின்றது
"ப்ச் உன்ன என்ன சொன்னேன் , ஜெயில்ல நிப்பாட்டுன்னு சொன்னேனா இல்லையா ? மயூரா பைக்கை விட்டு இறங்காது சண்டித்தனம் பண்ண, சேஷா இறங்கி பைக்கை ஸ்டாண்ட் போட்டு நிறுத்தியவன் பைக் சாவியை எடுத்து கொள்ள, இவள் இன்னும் பைக் மீது தான் இருந்தாள்.... அவள் கையிலிருந்த போனை வாங்கி அவள் பேசிய இடத்தில் தன் சட்டையை வைத்து துடைத்து போனை பாக்கெட் உள்ளே போட்டு கொண்டவன்
"ஆட்டோ பிடிச்சு போயிக்க என்று சேஷா நடக்க ஆரம்பிக்க
"இதை நான் ஏறும் போதே சொல்லி இருக்கணும் ,
"நீ ஏறும் போதே கேட்டு இருக்கணும்
"ஆட்டோ எல்லாம் புடிக்க முடியாது பேயா , நீ என்னை கொண்டு போய் விடுற அதுவரை இங்கேயே இப்படியே தான் உன் பைக் மேல்தான் இருப்பேன் .. அவன் நாலாபக்கமும் தலையாட்டிவிட்டு போக
"ஓகே சொல்றானா மாட்டேன் சொல்றானா.... இஞ்ச் நகர மாட்டேனே, வெயில் ஏற ஏற அவள் அவயங்கள் அவிய ஆரம்பிக்க
"ஸ்ஆஆஆ சுடுதே பைக்கை விட்டு இறங்கி நின்றாள் மண்டை வெயிலில் காய
"எம்மா சீக்கரம் வா உன் விசிட்டிங் டைம் வர போகுது இப்ப விட்டா உன் அம்மாவை பார்க்க முடியாது" என்று போன் வரவும் வேறு வழியில்லாத ஆட்டோ பிடித்து ஓடினாள் ..
பகட்டாக திரியும் பத்மாவதி கழுத்தில் காதில் ஒன்றுமில்லாது வந்து நிற்க
"அம்மா என்று கூண்டுக்குள் நின்ற தாயை கண்டு கதறி மயூரா ஓட
"எதுக்கு வந்த ??
"அம்மா உன் நிலமை புரியுது .... எப்படியாவது உன்னை வெளியே எடுத்துடனும்னு நானும் ட்ரை பண்ணிக்கிட்டு தான் இருக்கேன்.. நமக்கு காசு கொடுக்க வேண்டியவன் எல்லாம் கையை விரிக்கிறான்.... உன் அம்மா கிட்டதான் காசு வாங்கினோம் , உன் அம்மாவை வந்து கேட்க சொல்லுன்னு தெனாவெட்டா பேசுறான்.. பாதி பேர் நான் வந்து இருக்கேன்னு தெரிஞ்சா உள்ளுக்குள்ளேயே இருந்துகிட்டு , நான் இல்ல நாளைக்கு வர சொல்லுங்கிறான் ... எவனும் காசு தர மாட்டேங்குறான் காசு இருந்தா தான அம்மா இந்த கேஸ்ல இருந்து உன்னை வெளியே எடுக்க முடியும்..
நீ ஒன்னும் பண்ணிக் கிழிக்க வேண்டாம்... நானே எல்லாம் பார்த்துட்டேன், நாளைக்கு கேஸ் கோர்ட்டுக்கு வருது ஒருவேளை என்னால வெளிய வர முடியாத சூழ்நிலை வந்தா
"வந்திடுவம்மா
"உன் வாயை மூடிட்டு நான் சொல்றது கேளு போதும்
"ம்ம் முகம் தொங்கி போய் வாயை மூடி கொண்டாள்..
ஒருவேளை கேஸ் எனக்கு சாதகம் ஆகலைன்னா அந்த கிழட்டு கமிஷ்னர் கோதண்டராமன் இருக்கான்ல
ம்ம்
அவனுக்கு வேண்டிய பொருள் ஒன்னு நம்மகிட்ட இருக்கு ?
"என்ன பொருள்??
"அது எதுக்கு உனக்கு ... ரொம்ப நாளா அந்த பொருளை கை படாம வச்சிருந்தேன் இப்ப அதை கை மாத்தினா தான் சரியா வரும் ...
"ஓஓஓ
நாளைக்கு சூழ்நிலை எனக்கு எதிரான, நீ ராத்திரி அவன் கெஸ்ட் ஹவுஸ்க்கு போ .... அவனுக்கு வேண்டியதை எடுத்துக்கிட்டு இந்த கேஸ்ல இருந்து என்ன வெளியே கொண்டு வந்துடுவான்..
"சரிம்மா சரிம்மா போறேன் .. அம்மா நல்லா இருக்கியா சாப்பாடு சவுகரியம் எல்லாம் எப்படி இருக்கு பரிதவிப்பாக தாயை பார்க்க ... அவள் கண்ணோ இவளை பலி கொடுக்க மின்னியது
"எப்படி நல்லா இருக்க முடியும் ..... போட்டிருக்க கேஸூக்கு தூக்கு தண்டனை கூட கிடைக்கும் நாளைக்கு கேஸ் நமக்கு சாதகம் ஆகணும் ..
"ம்மா
"எல்லாம் உன் கையில தான் இருக்கு
"என் கையிலா
"உன் கழுத்துல, உனக்கு தாலி கட்டினானே அந்த பாரன்சி டாக்ட்டர் அவன் தான் கேஸோட பாரன்சி ரிப்போர்ட் சமிட் பண்ற டாக்ட்டர் ...அவன் மட்டும் செத்து போன பொண்ணுங்க உடம்புல சந்தேகப்படும் படியா போதை மருந்து எதுவும் இல்லை... வெறும் தற்கொலைதான், இந்த கேஸ்ல பத்மாவதியை மாட்டிவிட யாரோ திட்டம் போடுறாங்கன்னு அவன் மட்டும் நமக்கு சாதகமாக சொல்லிட்டான் அடுத்த நாள் உன் அம்மா உன்கூட இருப்பேன் ....
"நிஜமாவா?
"ம்ம் நீ அவன்கிட்ட பேசி பாரு எனக்கு செஞ்சு தான் ஆகணும்னு மிரட்டி பாரு .....
"சரிம்மா .... அவன் எல்லாம் ஒரு ஆளா , பிஸ்கோத்து பய நான் செய்டா சொன்னா செஞ்சுடுவான்
இப்பவே போய் பேசுறேன் அம்மா.... அத்தோடு பத்மாவதி நடந்து உள்ளே போய்விட... ஏக்கமாக தாயை பார்த்து கொண்டு நின்றாள் மயூரா .. தாய் திரும்பி பார்க்க மாட்டாளா என்று அந்தக் கண்கள் ஆவலாக பார்க்க, ம்ஹூம் பத்மாவதி திரும்பியே பாராது போயே விட்டாள்
பன்றிகளின் முன் முத்தை மட்டும் அல்ல நேரங்களை , நேசங்களை போடுவதை தவிர்ப்பதும் நல்லது !!
