மான்சினீல் மயூரா3

3 மான்சினீல் மயூரா !!

பத்மாவதி தன்னை சுற்றி போட்டு வைத்திருந்த மர்ம வேலிகளை எல்லாம் ஒற்றைத் தாலிக்கயிறு கொண்டு சோலி முடித்த பெருமை சேஷாவைதான் சேரும் 

மயூராவை முதல்வர் மகனுக்கு திருமணம் செய்து வைத்து தன்னை காப்பாற்றிக் கொள்ளலாம் என்று பத்மாவதி மனக்கணக்கு போட்டு இருக்க... இவள் சேஷா கட்டிய தாலியோடு வந்து மணமேடையில் நிற்க... பத்மாவதியோ கலர் கலராக வார்த்தை ஜாலம் செய்து , அந்த தாலியை கழட்டி குப்பையில் வீசு என்று சொல்லிப் பார்த்தாயிற்று ..

"முடியாது அம்மா , எவ்வளவு தெனாவெட்டு இருக்கணும், என் கழுத்துல ஒருத்தன் தாலிய கட்டி விட்டுட்டு அசால்டா போறான்... அப்ப எனக்கு என்ன மரியாதை இருக்கு முடியாது, இந்த தாலியை அவனே என் கால்ல விழுந்து மன்னிப்பு கேட்டுட்டு அவன் கையால கழட்டி கொண்டு போக வைக்கிறேன்.... அதுவரைக்கும் இந்த தாலி என் கழுத்துல தான் இருக்கணும் ... ஒன்னு அவனே கழட்டிட்டு போகணும், இல்ல அவனை கொன்னுட்டு இந்த தாலியை அத்து அவன் சமாதியில் தூக்கி போடணும் ... இந்த ரெண்டையும் நான் செய்யல நான் உங்க மக இல்லம்மா" என்று வீர சபதம் போட்ட மயூரா கழுத்தை கடித்து ரத்தத்தை குடிக்க தோன்றியது பத்மாவதிக்கு ..

"ப்ச், அதெல்லாம் ஒன்னும் வேண்டாம் போய் மணமேடையில் உட்காரு மயூரா "என்று பத்மாவதி அவள் தாலியை அத்து வீச போக, தன் தாயின் முழங்கையை வலு கொண்டு பிடித்துக் கொண்ட மயூரா 

"நான் முடிவு பண்ணிட்டேன் மாத்த மாட்டேன்ம்மா

"அம்மா சொல்றேன் கேளு.

"முடியாது, அந்த அம்மாவுக்கே அவமானம், உங்க நெத்தியில துப்பாக்கியை வச்சு ஒருத்தன் என் கழுத்துல தாலி கட்டுறான்னா , அவனுக்கு உங்க மேல பயம் இல்லன்னு அர்த்தம் ... அவனுக்கு நாம யாருன்னு காட்டியே ஆகணும்ல, இதுல உங்க தன்மானம் அடங்கி இருக்கு கழட்ட மாட்டேன்" என்று அந்த தாலியை விட்டேனா பாரு என்று பிடித்துக்கொண்டு அடம் பண்ண ... கடைசியில் திருமணம் நின்று போனது....

முதல்வர் மகன் இதுதான் சாக்கு என்று நினைத்து பத்மாவதியை மொத்தமாக கேசில் இழுத்துவிட்டு அவன் வெளிநாடு தப்பித்து விட.. பத்மாவதியை போலீஸ் சுற்றி வளைத்து, சென்னை பங்களா ஒன்றில் பதுங்கி இருந்தவளை கைது செய்து விட்டது... அவர்கள் சொத்து பத்து அத்தனையும் ஜப்தியும் செய்து விட்டது... பெண் காவலர்கள் பத்மாவதி கையில் விலங்கு மாட்டி அழைத்துக் கொண்டு வர... இங்கே ஜமீன் அவர்கள் ஆபிஸ் பங்களா என அனைத்தும் பூட்டியிடப்பட்டது .... அவர்கள் சொத்து எல்லாம் முடக்கப்பட்டது, தன் தாயின் முன்னால் கட்டிய சேலையோடு நின்றாள் தளிர்கொடியாள் மயூரா...  

"மேடம் உங்க நகையை எல்லாம் கழட்டி கொடுங்க

" என்று பெண்காவலர் அவள் அணிந்திருந்த நகைக்கு கையை நீட்ட அத்தனை நகையையும் மயூரா கழட்டி போட்டவள் தாலி மீது கைவைக்க போக 

"தாலி வேண்டாங்க மேடம்," என்றுவிட தாலியை நாடியை தடவி கொண்டே பார்த்தவள் உதட்டில் இளக்காரமான புன்னகை ... 

"அம்மா யார் என்ன சொன்னாலும் உங்க மக நான் இருக்கேன்... யார நம்ம ரெண்டு பேரையும் பிரிக்க நினைச்சாலும் முடியாது , நீங்க பயப்படாம போங்க உங்களை காப்பாற்ற வேண்டியது என் பொறுப்பு, பத்மாவதி தலையை தடவிக் கொண்டு எதிரே நின்ற மயூராவை கொன்றுவிட்டு வெட்டலாமா ? இல்லை வெட்டி துண்டு போட்டு கொல்லலாமா என்ற ஆத்திரத்தில் பார்த்துக் கொண்டிருந்தாள்... இவளோ பாசத்தில் மருவிக் கொண்டு நின்றாள்..

"ஒன்னுமே இல்லாம நிக்கிறேனேன்னு பயப்படாதீங்கம்மா, என் உசுரு இருக்கு அந்த உசுரு இருக்கிற வரைக்கும் இந்த உலகத்தில் நான் நீந்தி கரை சேர்ந்திடுவேன்.. உங்களையும் காப்பாத்திடுவேன் , பயப்படாதீங்க இந்த கழுத்தில் தாலி கட்டுனானே ஒரு மஞ்சமாக்கான், அவன் இருக்கிற வரைக்கும் எனக்கு எந்த குறையும் வராது நான் பாத்துக்குறேன்.. நீங்க தைரியமா போங்க என்ன நெனச்சு வருத்தப்பட்டு உடம்பைக் கெடுத்துக்காதீங்க "என்று பத்மாவதி போகும் வண்டியின் பின்னாலேயே மயூரா ஓடினாள்

தனக்கு இந்த உலகத்தில் இருக்கும் ஒரே ஒரு ஆதரவு சொந்தம் சந்தோஷம் எல்லாம் அவள் தாய்தான் தன்னை விட்டு கடந்து போன வண்டியை பார்த்துக் கொண்டு நின்ற மயூரா காதில் பல பல கடும் வார்த்தைகள், 

தாயும் மகளும் சாதாரண ஆட்டமா ஆடுனாங்க ஊர் சொத்தை எல்லாம் வளைச்சு போட்டு எத்தனை பேர் வாயில விழுந்தாளுக, எவ்வளவு சாபத்தை வாங்கி இருப்பாளுக, இப்பதானே ஆரம்பிச்சு இருக்கு " என்று ஊரார் எக்காளமாக சிரிக்க, தன் தாயை ஏக்கமாக பார்த்துக் கொண்டு நின்ற மயூரா கண்களை தூக்கி அத்தனை பேரையும் சுற்றி ஒரு பார்வை பார்த்தவள்..

என் அம்மாதான் உள்ள போய் இருக்காங்க நான் இன்னும் உசுரோட தான் இருக்கேன், வாய் நீண்டது ஒத்த அருவா போதும், அத்தனை பேரையும் சீவி போட்டுட்டு போயிடுவேன்" என்று இடையில் கை வைத்துக் கொண்டு நின்று முறைத்த அவளை கண்டு கூட்டம் கலைந்து நகர்ந்துவிட்டது

பெண்ணின் பலம் என்ன தெரியுமா? எவ்வளவுதான் உடைந்து சுக்கு நூறாக போய்விட்டாலும் பார்வையில் திமிரும் நடையில் நிமிர்வும் இருந்தால் பலசாலி கூட பத்து அடி தள்ளித்தான் போவான் அந்த தைரியம் தான் அவளின் தன்னம்பிக்கை சொத்து அத்தனையும்.... அது இன்னும் அவள் கையை விட்டுப் போகவில்லை, அதே நிமிர்ந்த நடையோடு தனக்கு தாலி கட்டிய கணவனை நோக்கி வெடுக் வெடுக் நடையோடு மயூரா சேஷா வேலை பார்க்கும் மருத்துவமனை நோக்கி சென்றாள் ... 

எங்க உன் பாஸை? என்று உள்ளே நுழைந்த மயூராவை கண்டு சேஷா ஜூனியர் மருத்துவர் தலையை சொரிந்து கொண்டே 

சன்டே சார் லீவு "

சரக்கு போட போயிடுவானா ,இல்லை பொம்பளையும் உண்டா ?"

அவர் பெர்சனல் பத்தி எங்களுக்கு ஒன்னும் தெரியாது மேடம்"

ப்ச் அது எனக்கும் தேவையில்லை போனை போட்டு அர்ஜெண்ட் கேஸ் ஒன்னு வந்திருக்கு உடனே வருவியாம்னு கூப்பிடு "

சரிங்க மேடம் "

ம்ம் நான் அப்படியே சுத்தி பார்த்துட்டு இருக்கேன் என்று மயூரா சேலையை இடுப்பில் சொருகி கொண்டு அவ்விடத்தை சுற்றி வந்தாள் .. 

பிணவறை உள்ளே புகுந்த பெண்ணை ஆச்சர்யமாக அங்கு நின்றவர்கள் பார்த்தனர் அத்தனை பேரும் இதை கண்டு பீதியாக..

ஒருவனுக்கு இது சொர்க்க பூமி என்றால், அவன் தாலியை வாங்கிய இவளுக்கு சுற்றுலா தளம் போல சாவகாசமாக உள்ளே வந்து அங்கிருந்த பல உறைய வைக்கும் பிரீஷர் பெட்டிகள் உள்ள அறை உள்ளே நுழைந்து ஒவ்வொரு அலமாரியாக திறந்து இன்னும் எடுத்து சொல்ல படாத பிணங்களை வேடிக்கை பாரத்தவள் 

இது எல்லாம் ஏன் இங்க இருக்கு ? "

சிலது அடையாளம் தெரியாத பாடி மேடம் அதான் இங்க போட்டு வச்சிருக்கோம்.... ஒரு லிமிட்டட் டைம் உண்டு அதுக்குள்ள யாரும்வந்து கேட்கலைன்னா ஹவர்மெண்டே டிஸ்போஸ் பண்ணும்..  

ம்ம் கொட்டாவி விட்டாள் நான்கு நாளாக போலீஸ் ரெயீட் போலீஸ் என்கொர்ரி என்று தூங்கவே இல்லை கண்கள் கரித்து கொண்டு வர .... அங்கே கிடந்த மேடை மீது ஏறி படுத்து கொண்டவள் 

அவன் வர்ற வரை குட்டி தூக்கம் போடுறேன் வந்ததும் எழுப்பி விடு "

அவர் தான் இப்படின்னா அவர் கட்டுன பொண்டாட்டி அதுக்கு மேல இருக்கும் போல நல்லா செட் சேர்ந்தாங்கய்யா என்று அவன் புலம்பி கொண்டு நிற்க 

போகும் போது அந்த போர்வையை எடுத்து போட்டுட்டு போ வெளிச்சம் பட்டா தூக்கம் வராது என்று வெள்ளை துணியை தூக்கி தன் முகம் வரை மறைத்து ஆளு குறட்டை விட்டாச்சு 

உயிரோடு இருப்பவனை கண்டு தான் பயப்பட வேணும் , செத்து போவனை கண்டு பயந்து எதற்கு?

மூச்சு நின்ற பின்னே எப்பேர்பட்ட பணக்காரணும், பதவி படைத்தவனும் பிணம் என்ற ஒற்றை பெயரில் தான் அழைக்கப்பட போகிறான், அந்த பிணம் என்ன செய்து விட முடியும்? என்ற துணிவு அவளுக்கு ... 

சிறுது நேரத்தில் கதவை திறந்து கொண்டு சேஷா உள்ளே நுழைந்தான் 

என்ன கேசு? ஆக்ஸிடெண்ட் டெத்தா, இல்லை சூசைட்டா இல்லை மர்டரா? எப்போ செத்தது ஸ்பார்ட் அவுட்டா , இல்லை ஆன்தே வே டெத்தா? என்று தன் கையில் உறையை மாட்டி கொண்டே வந்து பிணமேடை முன் வந்து சேஷா நிற்க 

சார் அது  

சண்டே கூட ஃப்ரீயா இருக்க விட மாட்டாங்களா? என்று சேஷா சட்டை மேல் பட்டனை கழட்டி விட்டுக்கொண்டு தனக்கு விருப்பமான அழகிய வேலைக்குள் நுழைய போனான் ... அவன் பின்னே ஓடிவந்த அசிஸ்டன்ட் ஏதோ வாய் சொல்ல திறக்கும் முன் ... பெஞ்சில் கிடந்த உருவத்தின் மீது இருந்த வெள்ளை துணியை எடுத்துவிட்டு சேஷா கத்தியை எடுத்து கழுத்தில் மெலிதாக கிழிக்க  

ஆஆஆஆஆஆ என்று அலறிக்கொண்டு எழும்பிய அமர்ந்தாள் மயூரா ... சேஷா யோசனையாக அசிஸ்டன்ட்டை பார்க்க ...

 "ஒருத்தி படுத்து கிடந்தா, யாரு என்னன்னு பார்க்க மாட்டியா உன் பாட்டுக்கு எடுத்து கத்தியை விட்டு கிழிச்சுகிட்டு இருக்க என கழுத்தில் வடிந்த இரத்தத்தை மயூரா தன் சேலையில் துடைக்க... நல்லவேளை , விருப்ப சூழி போட்டு வியாபாரிகள் லாப நட்ட கணக்கு ஆரம்பிப்பது போல, இவன் ஸ்டைல் கழுத்தில் ஒரு மெல்லிய கிழி போட்டு ஆரம்பிப்பது அதனால் அவள் இன்னும் லைவ்வில் இருக்கிறாள்... இல்லை தோற்றம் , மறைவு டேட் மயூராவுக்கு போட்டு விட்டிருப்பான் ... 

"பழக்க தோஷம் இதுல யார் படுத்தாலும் வெட்டுவேன் என்றுவிட்டு சேஷா சேரில் அமர.. மயூரா தலையை பிடித்துக் கொண்டு தன் எதிரில் இருந்த சேஷாவை எரிச்சலாக பார்த்தவள்

"என் அம்மாவை அரெஸ்ட் பண்ணிட்டாங்க ,என் சொத்து எல்லாத்தையும் ஜப்தி பண்ணிட்டாங்க அம்மா மேல தப்பே இல்லன்னு கேஸ் முடியுற வரைக்கும் பத்து பைசா கூட அம்மா சொத்தில் இருந்து எடுக்க முடியாது ..மயூரா, உடுத்திய சேலை தவிர ஒன்றும் இல்லாது அவன் கட்டிய தாலியோடு வந்து நிற்க ... 

யார் நீ என்ன வேணும்? போஸ்ட் மார்டம் ரூமுக்கு வந்து பிச்சை எடுக்கிறது என்ன பழக்கம்.. டேய் என்ன பழக்கம் பழகி வச்சிருக்க , இப்படித்தான் நான் இல்லாத நேரம் எல்லாரையும் உள்ள விடுவியா ... 

"நான் யாரா இதை பாரு தெரியும்" என்று மயூரா தாலியை அவன் முன் நீட்ட 

"இதை பார்த்தாலும் தெரில யார் நீ? உனக்கு என்ன வேணும் .. என்று குனிந்து அவன் பைலை தேடி கொண்டு நின்றான் ஆறு மாதத்தில் ஆளு பொண்டாட்டியை மறந்து விட்டான் ....  

கைதட்டி அவனை தன் பக்கம் திருப்பிய மயூரா ...

இந்த தாலியை கட்டினது நீதான் , அப்படின்னா என் புருசன் நீன்னு அர்த்தம் , நான் உன் பொண்டாட்டின்னு அர்த்தம் .. என் அம்மா வர்ற வரை எனக்கு சோறு போடு ... எங்க என் வீட்டு சாவியை எடு என்று மயூரா சேஷா அருகே வந்து அவன் பேண்ட் சட்டை பாக்கெட் உள்ளே உரிமையாக கையை விட்டு துலாவி சாவி கொத்தை எடுத்து தன் ஜாக்கெட் உள்ளே திணித்து கொண்டவள்..

"வீட்டு அட்ரெஸ் என்ன ?

"ஊர் ஒதுக்கால பேய் குடோன்னு கேளுங்க மேடம் அதுதான் சார் வீடு என்று அசிஸ்டெண்ட் முகவரி கூற 

"பேயனுக்கு வாக்கப்பட்டா இனி நானும் லேடி பேய்தான் இந்த மிரட்டலுக்கு எல்லாம் மயூரா பயப்பட , பம்ம மாட்டா ... என்றவள் தன் முன்னே வானம் தொடும் உயரத்தில் நின்ற சேஷா தாடியை இழுத்து 

"டேய் தாலி கட்டின புண்ணியவானே, வீட்டுக்கு போறேன் பின்னாடியே வந்து சேர் , எங்கேயாவது தப்பிச்சு ஓடலாம்னு நினைச்ச டங்குவார் கிழிஞ்சு போகும் புரியுதா? "

தாலி கட்டி சொன்ன நண்பன் தாலி கட்டுனா பிரச்சனை இலவசம்னு சொல்லாம விட்டுருக்க... இவன் பிரச்சனைக்கே தாலி கட்டி விட்டு அவள் லபோ லபோ என்று கத்துவதை நாடியை சொரிந்து பார்த்து கொண்டிருந்தான்... 

"டூடே ஆன்வெர்ட்ஸ் என்னை வச்சி மேய்க்கிறதுதான் உன்னோட ஃபுல் ஜாப், பார்ட் டைம் ஜாப்பா வேணும்னா இதை வச்சிக்க ... வேலையை முடிச்சுட்டு சட்டுபுட்டுன்னு வீட்டுக்கு வந்து சேர் " என்று மயூரா மீண்டும் அவன் பாக்கெட் உள்ளே கையை விட்டு இருந்த பணத்தை எடுத்து கொண்டு விசில் அடித்தபடி வெளியே போக, சேஷா தோளை உலுக்கி கொண்டு வந்ததுக்கு ரெண்டு கேஸ் பைல் முடித்து விட்டு போவோம் என்று பைலோடு உட்கார்ந்து விட்டான் ...   

மரணம் துர்செய்தி அழுகை பிணவறை சுடுகாடு இவை எல்லாம் மற்றவர்களுக்கு வேண்டுமென்றால் திகிலை கிளப்பலாம்

மரணத்தின் வாசலிலேயே உட்கார்ந்து வீணை வாசிப்பவன் இவன்!! மரணத்தை பார்த்து பார்த்து பழகியவள் அவள், மரணமே இவர்களுக்கு கேளிக்கை என்றால் வாழ்க்கைக்கா பயம் கொள்ளப் போகிறார்கள் , 

மரணம் எளிது வாழ்வதே கடினம் !! 

காதல் இருவர் இடையில் கிடந்து என்ன பாடுபட போகிறதோ? 

அவள் மரணத்தின் கனி என்றால் இவன் அதிலும் குருதி உண்டா என ஆராய்ச்சி செய்யும் வித்தகன்...