மான்சினீல் மயூரா 9
Maya9
Sujachandran
9 மான்சினீல் மயூரா !!
"ரெண்டு இட்லி வாங்கி தரவே வழி இல்ல, இவரு ஜீவனை ரெடி பண்ணி தர போறாராம் , யாரு காதுல பூ சுத்துறான்.. ஊமை போல இருந்தே நம்மள உசார் பண்ண பார்க்குது பயபுள்ள .. பத்து பைசா செலவு இல்லாம பேமிலி மேக் பண்ண பார்க்குறான்...
மடங்கிடாத மயூரா, உன் கெத்து பாழா போகும் .. இடுப்புல ஒன்னு வயித்துல ஒன்னை தந்து உன் வீரத்தை அடிப்படியில கருக்கிடுவான் இந்த பேயன்.. பி அலர்ட் "என்று வாய்விட்டு புலம்பி கொண்டு போர்வைக்குள் அவளை பத்திரமாக தூங்க வைத்து விட்டு போன கணவனை கண்கள் தேடியது ....
ஒருவர் சுதந்திரத்தை விருப்பங்களை பறித்து கொள்ளாத எந்த உறவும் பேரழகு தான்
அவன் சுதந்திரம் உள்ளே அவளும் நுழைவது இல்லை
அவள் சுதந்திரம் உள்ளே இவனும் நுழைவது இல்லை ...
குளியலறை உள்ளே போக , அவன் துணியோடு அவள் ஆடை, உள்ளாடை முதற்கொண்டு அனைத்தும் துவைத்து பக்கெட்டில் போட்டிருந்தான் மெலிதாக சிரித்த மயூரா அதை தூக்கி கொண்டு வந்து காய போட்டாள்.... தன் உள்ளாடை அருகே அவன் உள்ளாடையை காய வைத்து அழகு பார்த்தவள் முகம் சற்று சிவப்பாக
ஒத்த ரூபாய் செலவு இல்லாம கவுத்துட்டானே பயபுள்ள" என்று காய போட்டிருந்த அவன் கருப்பு சட்டையை குத்தி
"குறை கண் போட்டு பார்த்து பார்த்து அந்த பார்வைக்கு அடி வயித்துல என்னவோ பண்ணுது... பட் நல்லா தான் இருக்கு" என்று விசில் அடித்து கொண்டே குளித்த தலையோட காப்பியை போட்டு கொண்டு நின்றவள் .. யாரோ தன்னை பார்ப்பது போல உணர்வு தோன்றி பின்னே திரும்ப... கிச்சன் திண்டில் சாய்ந்து நின்று குளித்த டவலை கூட தலையை விட்டு கழட்டாது , முகத்தில் நீர் வடிய பாத்திரத்தை பறக்க விட்டு கொண்டிருந்தவளைத்தான் சேஷா பார்த்தபடி நின்றான்...
"எப்போ வந்தீங்க?
"இப்பதான் தன் கையில் இருந்த பார்சலை அவள் புறம் தள்ளிவிட்டு மீ்ண்டும் மனைவியை கையை கட்டி கொண்டு நின்று பார்க்க ஆரம்பிக்க ...
"என்ன அங்க மிச்சம் மீதி சாங்கியம் வச்சதுல இருந்தது அள்ளி வந்துட்டீங்களா ?
"ம்ஹூம் அதை நானே ப்ரேக்பாஸ்டுக்கு சாப்பிட்டேன்... எப்பவும் கணக்கு வச்சி நாலு இட்லி வாங்குவியாமே இன்னைக்கு மேடம் வர லேட் ஆகிடுச்சுன்னு கடைக்காரர் என்கிட்ட தந்து விட்டார்"
"ம்க்கும் உனக்காக நானே வாங்கிட்டு வந்தேன்னு பொய் கூட சொல்ல தெரியாதா?
"எதுக்கு பொய் சொல்லணும்
"இப்படி உண்மை விளம்பியா இருந்தா பொண்ணுங்களுக்கு பிடிக்காது
"நீ பொண்ணு இல்லையே
"யார் சொன்னா, ஆளு ரகடா இருந்தாலும் நானும் பொண்ணுதான் என்று நெஞ்சை நிமிர்த்தி நின்றவள் நெஞ்சாம்பூவை அவன் கண்கள் ஒரு நிமிடம் இமை சுருக்கி பார்க்க அந்த பார்வையில் உடலை குறுக்கி கொண்ட மயூரா அவனுக்கு முதுகு காட்டி நின்று காப்பியை கலக்கியபடி
"கல்யாணம் கட்டினா மட்டும் போதுமா
வேறென்ன செய்யணும் ?
"அவளுக்கு பிடிச்ச மாதிரி ப்ராக்கெட் போடணும் அங்க இங்க கூட்டிட்டு சுத்தணும் அவளுக்கு பிடிச்சது எல்லாம் வாங்கி கொடுக்கணும் இப்படி பர்ஸ்ஸை பத்திரமா வச்சிருந்தா பொண்ணு மடியாது தம்பி .... "
"அவ்வளவு செலவு ஆகும்னா சிங்கிளாவே இருந்துக்கிறேன்" என்றவனை திரும்பி முறைத்த மயூரா
"நீங்க, பொண்டாட்டியை உசார் பண்ணி கிழிச்ச மாதிரி தான் ... அவளுக்கு மட்டும் சூடாக காப்பியை போட்டுவிட்டு திண்டின் மீதி ஏறி அமர்ந்த மயூரா அதை குடிக்க கண்கொட்டாது பார்க்கும் புருசன் பார்வையில் முகத்தை திருப்பி கொண்டாள்....
ஒருவன் இமைக்காது அவளை ரசிப்பது இதுவே முதல்முறை !! பேசினால் கூட கூட பேசலாம் , இவன் மயூராவை பார்த்து வைத்தே கதி கலங்க வைக்கிறான்... என்ன வேலையாக இருந்தாலும் அவள் குறுக்கால் நெடுக்கால் நடந்தால் சேஷா தலையை தூக்கி பார்த்து விடுவான் ....
இதுக்கு பேர் தான் சைட் அடிக்கிறா இருக்குமோ? ஆனா அவன் பார்க்கும் போது ஒரு மாதிரி நல்லா தான் இருக்கு என்று மயூராவுக்கு பட்டர்ப்ளை பறக்கும் அடுத்த நொடியே நார்மல் மனைவி மோட் எல்லாம் நமக்கு செட் ஆகாது, வட்டியை வசூல் பண்ணினோமா தோரணையா சுத்தி வந்தோமான்னு இருக்கிறது தான் நமக்கு சேப்டி.. பிள்ளை குட்டி புருசன்னு குண்டுச் சட்டிக்குள்ள குதிரை ஓட்ட நமக்கு தெரியாதுப்பா" என்று பறக்கும் பட்டர்பளை றெக்கையை அவளே கை வைத்து உடைத்து விடுவாள் .... அவளும் அவனை ஓரக்கண்ணால் பார்க்க ஆரம்பித்து இருப்பது புதுச்செய்தி!!
காப்பியை உறிஞ்சி குடித்து கொண்டிருந்தவள் தன் எதிரே நின்று அவளையே பார்த்தபடி நின்ற சேசாவை முறைத்தவள்
"இப்படி பார்த்து வச்சா மனுசி எப்படி திங்கிறது தூங்குறது என்று குதித்து இறங்கி அவனை கடந்து ஹாலுக்கு போக போனவள் கையை பிடித்து இழுத்தவன்
"புருசனுக்கு காப்பி இல்லையா ? "என்று அவள் உதட்டில் முத்து மணி போல நின்ற ஒற்றை பொட்டு தேனீர் துளியை சேஷா கூர்ந்து பார்க்க
"இந்தா புருசன் அலும்பு பண்ண ஆரம்பிக்க பார்க்கிறீங்கல்ல.. இதுக்குதான் இதெல்லாம் செட் ஆகாதுன்னு சொன்னேன்.. எனக்கு விடிய காலை எழும்பி உங்களுக்கு ஆவி பறக்க இட்லி சுட்டு தழைய தழைய பட்டு சேலை கட்டி , நெற்றி வகட்டுல குங்குமத்தை வச்சி , தலை நிறைய மல்லிகைபூவோட குடும்ப இஸ்திரியா எல்லாம் உங்களை சுற்றி இஇஇஇஇஇஇஇஇஇஇஇ நீளமாக வசனம் பேசிய அவள் கொசுவ சேலை உள்ளே கைவிட்டு இழுத்து தன் நெஞ்சோடு சாய விட்டவன் ....
"அவ்வளவு ரிஸ்க் எல்லாம் நீ எடுக்க வேண்டாம்டி ... நீ தின்னுட்டு மிச்ச மீதி கொடு போதும்" என்று அவள் அவள் குடித்து கொண்டிருந்த காப்பியை வாங்கி தன் உதட்டில் வைத்து குடித்தவன் ஒற்றை கை இன்னும் அவள் கொசுவ மடிப்பு சொருகும் இடத்தில் இருக்க .... வெட்கம் மடம் நாணம் எல்லாவற்றையும் டோர் டெலிவரி பண்ணி இருந்த அவளுக்கு தீடீரென நெளிய உடல் உந்த
"கையை எடுத்துட்டு குடிங்க....
"என்ன இப்ப எல்லாம் அடிக்கடி "ங்க" வருது என்று அவள் உதடு பட்ட இடம் தேடி சேஷா தன் உதட்டை வைத்து காப்பியை உறிஞ்ச அவன் கருப்பு உதட்டை மயூரா கண்கள் சுருங்க பார்த்தவள்
"பேசாத நீங்க பேசுறது போல எனக்கு அடிக்கடி ங்க வருது ....
"ஓஓஓஓ "
ங்க போடுறது எப்படி இருக்கு குனுங் என்று அவன் தாடி தன் கழுத்தில் குத்துவதில் உண்டான கூச்சததில் மதி மயங்கி அவள் நின்ற வேளை
"சுமாரா தான் இருக்கு , "ஆனா
"என்ன ஆனா , போய்யா போயா... தாலி கட்டிட்டியே அய்யோ பாவமேன்னு முகத்தை வச்சி ஏமாத்துறியே, இவனுக்கு கொஞ்சம் அன்பு பிச்சை போடலாம்னு நினைச்சேன் பாரு என்ன அடிச்சிக்கணும் கையை எடுங்க என்று தன் கொசுவம் அருகே அவன் வைத்திருந்த கையை தட்டி விட்டவள்..
நான் கோவமா போறேன்யா
போ அதுக்கு என்ன என்ன செய்ய சொல்ற? அவன் காப்பி குடிப்பதில் கவனமாக இருக்க
"இல்லை முன்ன பின்ன லவ்வு கல்யாணம் பண்ணினவனுக எல்லாம் பார்த்து இருக்கியா இல்லையா
"ஒன்லி டெட் பாடி...
"அதுக்கு நான் சாகவா முடியும், சுத்தம் நமக்கு தான் இந்த கழுதை லவ்வை எப்படி பண்ணணும்னு தெரியாம முட்டிட்டு இருக்கோம்னா, இவன் நமக்கு மேல இருந்து கடுப்பு கூந்தலை கிளப்புறான் ... அவன் ப்ளோவுல நாம பிடிச்சு போயிடலாம்னு பார்த்தா தேறாது போலையே என்றவள் கையில் கிளாஸை வைத்தவன்
ஸ்வீட் கம்மியாதான் காப்பி குடிப்பியோ??
"இல்லையே சரியா இருந்துச்சே "என்றவள் உதட்டு பக்கம் குனிந்த சேஷா செயலில் மயூரா சற்று அதிர
"ஒருவேளை உன் லிப்போட ஸ்வீட்நெஸ்ஸா இருக்கும் ... அதோட ஸ்வீட் கொஞ்சம் கிடைக்குமா? புருவம் வளைத்து கேட்டவன் மகுடிக்கு அவள் கண்களை அங்கும் இங்கும் அலைய ..
"ஐ நீட் யுவர் ஸ்வீட் லிப்" என்றவன் ரெட்டை விரல் அவள் கீழ் உதட்டை நசுக்கி பிடித்து தன்னை நோக்கி இழுக்க
ஹக் என்று அவன் நெஞ்சில் வந்து மோதிய பெண்ணழகு தாராளமாக அவன் நெஞ்சில் நசுங்க...
"பொண்டாட்டியை எப்படி லவ் பண்ணணும் தெரியாது பட் இது எல்லாம் தெரியும் "என்றவன் விரல் அவள் இடை தேடி அழுத்த
"ஸ்ஆஆஆஆஆஆஆ
எது ஊஊஊஊ அவள் உதடு தந்தி அடித்திட
"நீ எதை நினைக்கிறியோ அது .. என்றவன் கருத்த உதடுக்கு அவள் தலை உயர்ந்து தன் இளம் ரத்த உதட்டை அவள் இணை சேர்க்க தன் தலையை சரிக்க ...
"ரதிஇஇ
ம்ம் கருத்த உதடும் சிவந்த உதடும் அழகிய இணை தான் போல அமைதிக்கு சொந்தக்காரன் பேசும் நாலு வார்த்தைக்கே மயக்க கூடிய சக்தி வைத்திருந்தான் போல ... மயூரா காலை ஊன்றி அவன் உயரம் போக, கருமேகம் கண்டு ஆடும் மயிலாக அவன் ரதி விளி கேட்டு அவள் உடல் அத்தனையும் அவன் இழுத்த இழுப்புக்கு போய் விட
"ஆர் யூ கம்பர்டபுள் என்றவன் பேச்சு புரியாது மயூரா முழிக்க
"கிஸ் பண்ணவா? அவன் உதடு மயூரா உதட்டின் மேல்தான் தேய்ந்தது கண் அவன் ரசித்தாலும், உடல் அவன் இழுப்புக்கு போனாலும் மனம் என்னவோ இன்னும் அவனை சரணாகதி ஆகவில்லை போலும் ரெட்டை மனதாய் அவன் நெருக்கத்தில் வியர்த்து நின்ற மனைவி உச்சியில் இருந்த நீர்த்துளி மீது இச் வைத்தவன் ... முதல் முத்தத்தில் அவள் மயங்கி மருகி சேஷா சட்டை காலரை பிடித்து இழுக்க ... அவளை பின் அழகில் அழுத்தி தூக்கி திண்டில் அமர வைத்தவன்
விரல் கொண்டு மயூரா தலையில் இருந்த டவலை கழட்டி அவள் தலையை பூ போல துவட்டி விட்டுவிட்டு டவலை அவள் கையில் கொடுத்து விட்டு ..
"சம்பளம் வந்துச்சு புடி " என்று பணத்தை அவள் மறைத்து வைக்கும் மதகு உள்ளேயே திணித்து வைத்து விட்டு போக , போகும் சேசா முதுகை வெறித்த மயூரா கண்ணில் கானல் நீர் கண்டு பழகியவள் முதல் முறை நேச நீர் கண்டு கண்கள் அலை அடிக்க கண்ணை சிமிட்டியவள் மறைந்திருந்த பெண்மையும் சிரிப்பும் வெளிவர அவள் எச்சில் கிளாஸை கழுவி போட்டு கொண்டு நின்ற சேஷாவை தன்னை மறந்து பார்த்தாள்...
உயிர் இல்லாத உடல்களை கையாண்டாலும் அவள் ஒவ்வொரு உணர்வுக்கும் மதிப்பு கொடுக்கும் அவனை எப்படி வெறுப்பது ? எப்படி நேசிக்காமல் போவது .....
"இந்த நைட் எங்க போறீங்க ? பெட்டியில் துணியை அள்ளி போட்ட சேஷாவை மயூரா யோசனையாக பார்க்க ... அதற்குள் அவன் போன் அடித்தது அதை மயூரா ஆண் பண்ண
"டேய் மச்சான் இலைக்கு பிக்ஸ் வந்துடுச்சுடா குழந்தை தாய் ரெண்டு பேரும் கிரிட்டிக்கலா இருக்காங்க என்ன பண்றதுன்னு தெரிலடா, ஒரு மாதிரி நெர்வெஸ்ஸா இருக்கு சேசா, லேபர் வார்ட் முன்னாடி பைத்தியம் போல பினாத்திட்டு இருக்கேன் 'என்று அப்பக்கம் சித்திக் குரல் கேட்டு உதட்டை பிதுக்கினாள் மயூரா ...
அங்கதான் போறிங்களா?
ம்ம் வர்றியா ?
ப்ச் என்று தோளை உலுக்கிய மயூரா
நமக்கும் குழந்தை எல்லாம் பிறக்குமா? என்றவள் கேள்வியில் அவன் கை வேலையை ஒரு நிமிடம் விட்டுவிட்டு
வேணுமா? அவள் அமைதியாக
போயிட்டு வாங்க வந்த பிறகு வேணுமா வேண்டாமான்னு சொல்றேன் .... வாசல் வரை போனவன் கதவில் சாய்ந்து நின்று பார்த்த மயூராவை அழுந்த பார்த்தவன்
எதாவது சொல்லணுமா என்றான்
ம்ம்
என்ன ?
வந்த பிறகு சொல்றேன்... தோளை உலுக்கி கொண்டு பைக்கில் ஏறியவன் அவளுக்கு தலையசைக்க , அவளும் தலையசைக்க அவன் பைக் மறைந்த பின்னர்..
ஆதி ஐ லவ் யூன்னு சொல்ல நினைக்கிறேன் என்று அந்த மயான பூமி அதிர கத்தி சொன்னவள் காதல் அவன் கேட்கும் தூரம் இல்லை .... இனி அந்த வார்த்தை அவள் வாயில் இருந்து வர போவதும் இல்லை ...
விடியற்காலை ஆகி போனது ... ஆனால் மயூரா தூங்காது தூக்கம் வராது சேஷா சட்டையை மடித்து வைப்பதும் அதை போட்டு கொள்வதும் அவன் படுக்கும் இடத்தில் படுத்து கிடப்பதும் என்று பைத்தியக்காரத்தனம் செய்து கொண்டிருந்தாள் ...
வந்ததும் ஆதிக்கிட்ட ஆறு பிள்ளை பெத்துக்கலாமான்னு கேட்போமா
ம்ஹூம் ஐ லவ் யூ ஆதின்னே சொல்லிடுவோமா ப்ச் ரொம்ப நார்மலா இருக்கு "
ப்ச் ஒரு ஊரை உருவாக்கலாமான்னு கேட்போமா
"அய்ய பேசாம அவன் வந்ததும் மேல பாஞ்சுடுலாமா அலைஞ்சா மாதிரி பண்ணாத.... அதுக்கு என்ன அவன் என் ஆதி நான் என்ன செஞ்சாலும் ரசிப்பான்... பல கனா அவள் கண்ணில் கலர் கலராக வந்து போனது ....
விடியற்காலை கதவு தட்டப்பட கண்ணை சுருக்கிய மயூரா
யார் இந்த நேரத்தில என்று நாடியை சொரிந்தாள்...
ஆதியா இருக்குமோ?? என்று யோசித்தவள் நாலு கால் பாய்ச்சலில் கதவுக்கு கொடுத்திருந்த மின்சாரத்தை ஆப் பண்ணி விட்டு கதவை திறக்க வெளியே பத்மாவதி சுருட்டை ஊதி கொண்டு நின்றிருந்தாள்
மரணத்தை கூட நேசித்த இவர்களுக்கு
மரணத்தை விட கொடிதான ஒன்று உண்டு என அறிய வைக்க வந்து விட்டாள் கொடுரமானவள்..
