மான்சினீல் மயூரா 2

2 மான்சினீல் மயூரா !! 

மயூராவை பொறுத்தவறை பாம்பின் புற்றில் வளர்ந்த அணில்பிள்ளை ... தன்னையும் பாம்பு என்று நினைத்து கொண்டு சுற்றுகிறது .... எந்த பிள்ளைக்கும் முதல் நாயகன் நாயகி தன் தாயும், தகப்பனும் தான்.. அவ்வண்ணமே , மயூராவின் உலகம் தன் தாய் பத்மாவதி , அவளால் வளர்க்க படவில்லை என்றாலும் தன் தாய் இது என்று அறிந்து அவளை போலவே தன்னை நிமிர்வாக திமிராக தன்னை தானே வளர்த்து கொண்டாள் மயூரா ... 

ஜோசியத்தை காரணம் சொல்லி மயூராவை பத்மாவதி தன் அருகே கூட சேர்க்க மாட்டாள்...

பத்மாவதியை பொறுத்தவரை ஆளுமையான ஒரு வேலைக்காரி மயூரா அவ்வளவே ஏன் எதற்கு என்று கேள்வி கேட்காது செய்ய சொன்னதை செய்ய ஒருத்தி கிடைத்தாள் விடுவாளா?

தான் போக முடியாத இடத்துக்கு நம்பகமான ஒரு ஆளை அனுப்பி காசை வாங்க வேண்டும் என்றால் மயூராவை அனுப்புவாள்.... பத்து வயதில் ரத்தம் பார்த்து அலறியவள் இன்று ரத்தம் கண்டு சிரிக்கும் அளவு தன்னை தகவமைத்து கொண்டதில் அவளுக்கு நிகர் அவளே !! 

சிறு வயதில் இருந்தே பத்மாவதியை பார்த்து அவளே போலவே தன்னை மாற்றி கொண்டு சுற்றுகிறாள்... தாய் என்றால் மட்டும் தரை மட்டும் தாழ்ந்து விடுவாள்... 

ஆனால் உண்மை தெரியாத மயூராதான் தாய் அன்பே தேடி தேடி ஓடுவாள்,. அது கிடைத்ததா?? இல்லையென்பதே மெய்!! 

கானல் நீர் போலத்தான் இவள் தேடி தேடி போக போக காரணங்கள் பல வரும் .... நீ அங்கேயே இரு மயூரா, உன் அம்மா உன் நினைப்பாவே இருக்கேன்.. நீதான் உலகம், அம்மா வாழ்றது உனக்காக தான் என்ற மாயாஜால வார்த்தை மட்டும் தான் பத்மாவதியிடம் இருந்து மயூராவுக்கு கிடைக்கும் .., பல வர்ண வார்த்தைகளால் தானே பல உறவுகள் பிரமாண்டமாக தெரிகிறது 

அன்பு அழகிய வார்த்தைகளில் இல்லை 

அன்பான நடத்தையில் உள்ளது என அறியுமா இம் மயூரம்... 

பத்மாவதி அடுத்து என்ன செய்யலாம் என திட்டம் திட்டியபடி படுக்கை மீது அமர்ந்திருக்க , கதவை யாரோ திறக்கும் சத்தம் கேட்டு திரும்ப.... 

அங்கே, கருப்பு சட்டையை முறுக்கி விட்டபடி ஒருவன் அறை உள்ளே வந்து கொண்டிருந்தான் அவன் !!

நெடிய உருவம் , சுருங்கிய கண் புருவம் , நீள நெற்றி , களையான முகத்தை கருந்தாடி உள்ளே மறைத்து வைத்திருந்தான், கூர்நாசி போதும் அவன் அழகிய முகத்தை பேரழகு ஆக்கி விட, நிமிர்ந்த தென்க நடை இன்னும் கூடுதல் கவர்ச்சி, கருப்பு சட்டை கருப்பு ஜீன், காலில் கருப்பு ஷூ , கருப்பு சட்டையின் ரெண்டு பட்டன் திறந்து விட்டிருந்தான்... நீள நீள எட்டு வைத்து வந்தவன் அழகனோ இல்லையோ !! பயம் கொஞ்சமும் இல்லாதவன் என்றது இத்தனை பேரை கடந்து இவர்கள் அறை உள்ளே வந்து நின்ற தோரணையில்... திடுதிப்பென உள்ளே வந்த அவனை கண்ட பத்மாவதி 

"ஏய் யார்டா நீ ?இங்க என்ன பண்ற என்று பத்மாவதி கத்த 

"ஸ்ஊஊஊஊஊ தன் கருத்த உதட்டில் கை வைத்து பேச்சை நிறுத்த சொன்னவன் கண்களை அறை உள்ளே அலைய விட்டு, படுக்கை மீது அடுக்கி வைத்திருந்த தட்டில் இருந்து தாலியை எடுக்க...  

"ஏய் ஏய் யாருடா நீ ? தாலியை ஏன் எடுக்கிற திருடன் திருடன் என்று பத்மாவதி இடையில் சொருகி வைத்திருந்த துப்பாக்கியை எடுத்து, அவன் முன் நீட்டும் முன் , அதை தட்டி தன் கைக்கு கொண்டு வந்த அவ்வுருவம் பத்மாவதி நெற்றி பொட்டில் துப்பாக்கி முனையை வைக்க, பத்மாவதி கண்ணை விரித்த நேரம் ....

"பொம்பள வேசம் போடுறது எவ்வளவு பெரிய வேதனையா இருக்கு, ச்சை கழுத்து நிறைய நகை போட்டுக்கிட்டு மனுசன் சுத்துவானா??? என்று குளியலறை திறந்து கொண்டு வந்த மயூரா கண்டது , யாரோ ஒரு வேற்று ஆடவன், தன் தாயின் நெற்றியில் துப்பாக்கியை அழுத்தி கொண்டு நிற்கவும் புரியாது தாயை என்ன என்றவிதமாக பயம் இல்லாது தான் பார்த்து வைத்தாள் .... 

"இதுதான் உன் பொண்ணா? என்றான் துப்பாக்கியை அழுத்தியபடி நின்ற அவன் .... 

ம்ம் என்றதும் அவனோ பத்மாவதியை விட்டவன் ஒரே தாவில் மயூரா அருகே போனவன், மயூராவை சட்டென சுவற்றில் சாய்க்க 

"டேய் யாருடா நீ விடுறா விடுறா" என்று மயூரா அவன் முகத்தை பிராண்ட; காலால் எட்டி பலமிக்க இடத்தில் ஓங்கி மிதிக்க பார்க்க.. பத்மாவதி அவன் முதுகில் தாக்க... அத்தனை அடிக்கும் அவனிடம் நோ ரெஸ்பான்ஸ்!! ஓங்கி மிதிக்க வந்த அவள் காலை தன் காலால் துள்ளிய அவள் உடலை மொத்தமாக அழுத்தி அசையவிடாது நிற்க விட்டவன், தன் கையில் வைத்திருந்த தாலியை வைத்து மூன்று முடிச்சு போட வேண்டும் என்றது கூட தெரியாது ஆறு முடிச்சை வலுவாக போட்டவன், அவளை எட்டி கூட பார்க்காது வந்த வேகத்தில் வெளியே போயே விட்டான் ..

யார் அவன் ?? 

சில மணிநேரங்கள் கழித்து , 

"எங்கடா அந்த தாடி வச்ச டாக்டர?? என்று உள்ளே நுழைந்த அந்த பெண்ணை பார்த்து அத்தனை பேரும் போஸ்ட்மார்ட்டம் அறை நோக்கி கையை நீட்ட... அவள் ஆத்திரம் தீராது போஸ்ட்மார்ட்டம் அறை கதவை காலால் மிதித்து தள்ளி விட்டு உள்ளே நுழைந்தாள் ...

கத்தியை சுழட்டி செத்த உடலின் காயத்தை அனலைஸ் பண்ணிக் கொண்டிருந்தான் உடற்கூறு மருத்துவன் 

சேஷாத்திரி !! 

வயது 31 

கதவு திறக்கபடவும் சேஷா தலையை திருப்பி வெளிச்சம் வந்த திசையை பார்க்க , வாசலில் தகதகவென்று தங்க நிற கல்யாண சேலையில், கழுத்தில் புது மாங்கல்யம் மின்ன பஜாரி போல அவனை முறைத்தபடி நின்று கொண்டிருந்தாள் 

அவன் தாலி கட்டிய மனைவி தளிர்கொடி மயூரா !!

அவன் அவளை ஒரு பார்வை பார்த்துவிட்டு வேலையை தொடர ... அவளோ டங்குடங்கு என்று நிலம் அதிர வந்து அவன் முன்னால் நின்றவள்... புஸ்புஸ் என ஆக்ரோசமாக ஒரு மூச்சை விட்டவள் 

டேய் ஏவுர்றா நுவு , உன் பாட்டுக்கு கல்யாணம் மண்டபத்துல வந்து சம்மந்தமே இல்லாம, என் கழுத்துல தாலிய கட்டி வச்சுட்டு.. உன் பாட்டுக்கு வந்து இங்க பொணத்துகூட பஸ்ட் நைட் கொண்டாடிட்டு இருக்க .... அரை மணி நேரத்தில் ஆந்திரா முதல்வர் மருமகள் ஆக வேண்டியவள் , இவன் பண்ணிய வேலையில் அவன் மனைவி ஆகி நிற்கிறாள் 

"உன் கிட்டதாண்டா கேட்டுகிட்டு இருக்கேன் , யாருடா நீ, எதுக்குடா என் கழுத்துல தாலி கட்டுன என்று அவனை பல்லை அரைத்துக் கொண்டு மயூரா பார்க்க... கையால் அவளை வலது பக்கம் அசைய சொன்ன சேசா 

"சன் லைட் மறைக்குது , அனலைஸ் பண்ண முடியல கத்தியில் வடிந்த இரத்தத்தோடு அவள் மீது வைத்து அழுத்தி தள்ளியவன்.. மீண்டும் குனிந்து வேலையை பார்க்க தொடங்க..

"எனக்கு இப்போ பதில் தெரிஞ்சாகணும் ... நான் யாரு தெரியுமா, ஆந்திரா , தமிழ்நாடுன்னு ரெண்டு ஸ்டேட்டையே சுண்டு விரல்ல வச்சிருக்கிற வட்டி பத்மாவதி தெரியுமா அவங்களோட ஒரே ஒரு பொண்ணு நான், உன் பாட்டுக்கு வந்து தாலிய கட்டி வச்சுட்டு ஒண்ணுமே நடக்காத மாதிரி இங்க வந்து உட்காந்து இருக்க... கேட்கிற கேள்விக்கு பதில் சொல்லாம திமிரா வேற இருக்கியா.. இப்ப நீ வாயைத் திறக்கல.. இந்த கத்தியை உன் கழுத்துல இறக்கிடுவேன்டா "என்று மயூரா அங்குள்ள கத்தியை எடுத்து சேசா கழுத்துக்கு நேராக கொண்டு போக... அவனோ கழுத்தை இரண்டு பக்கமும் வளைத்து சரித்து விட்டு

"காலையில் இருந்து ஏழாவது போஸ்ட்மார்ட்டம் கை வலிக்குது ... கைமாத்த ஆள் இல்லேயேன்னு நினைச்சுகிட்டு இருந்தேன்... இதை குத்தி கொதறி போடு, வந்து நான் தைச்சு போடுறேன் என்று கத்தியை அவள் பக்கம் வீசிவிட்டு, ஒரு சிகரட்டை பத்த வைத்தபடி ஷேஷா கிளம்பி போக... 

அவன் கையால் அரை மணி நேரத்திற்கு முன்னால் தாலி வாங்கிய பஜாரி மனைவியோ போகும் அவனையும் தன் கழுத்தில் கிடக்கும் தாலியையும் மாற்றி மாற்றிப் பார்த்துக் கொண்டு நின்றாள்..அவளை பொறுத்தவரை எவன் கட்டும் தாலிக்கும் மதிப்பு இல்லை, தாலி கட்டியவனுக்கும் மதிப்பு கொடுக்கும் எண்ணம் இல்லை , இவன் அரை மணிநேரம் லேட்டா வந்திருந்தா, அவன் மாட்டி இருப்பான் ,இப்ப இவன் மாட்டி இருக்கான் அவ்வளவு தான் வித்யாசம் ...  

பேசவே பைசா கேட்கும் அவன், பேசிப் பேசியே டயர்ட் ஆகும் இவள் .... இருவருக்கும் ஜோடி பொருத்தத்தை போட்டு வைத்த புண்ணியவான் யாரோ?? 

"டேய் சேஷா என்ன எழவுடா பண்ணி வச்சிருக்க... ஒரு பேச்சுக்கு தானடா அவ கழுத்துல தாலிய கட்ட சொன்னேன் சித்திக் போனில் கத்தி கொண்டிருந்தான்..  

"பத்மாவதி ஏ1 குற்றவாளி என்றால் பத்மாவதி வளர்ப்பு மகளும் அந்த வழக்கில் மாட்டிக்கொள்ள வேண்டியது இருக்கும், எனவே பத்மாவதியை கைது செய்வதற்கு முன்னால் அவளை பத்திரமாக ஒரு இடத்தில் சேர்த்து ஆக வேண்டிய கட்டாயம் அத்தோடு இவளை வைத்து அவர்களுடைய இல்லீகல் பிசினஸை வளர்க்கத் திட்டமிட்டு இருப்பதையும் அறிந்த சித்திக் சேஷாவிடம் புலம்பி கொண்டிருந்தவன் 

"அவசர மாப்பிள்ளைக்கு நான் எங்கடா போக, என் நண்பன் நீ இருக்க, ஆனா அவளுக்கு தாலி கட்டுடான்னு சொன்னா கட்டவா போற ? நீ மட்டும் அவ கழுத்துல தாலி கட்டினா அத்தனை பிரச்சனையும் ஓவர் அவ சேப் சோன் .. என்று பேச்சுவாக்கில் சித்திக் சொல்லி வைத்திருக்க..

நண்பனுக்காக உயிரை கொடுப்பதெல்லாம் டஃப் தாலிதான சவத்த கட்டி வச்சிட்டு வந்துருவோம், என்று சேஷா ஆந்திராவுக்கு ப்ளைட் டிக்கெட் போட்டு போய் தாலியை கட்டிவிட்டு அடுத்த பிளைட்டில் ஊர் வந்து சேர்ந்து விட்டான்... அதுவே நட்புக்கு இவன் செய்த பெரிய வெகுமதிதான் ... 

உசுரை கூட கொடுத்து இருக்கலாம் , அவன் பறித்தது மரணத்தின் கனி அது மரணத்தை தந்தால் பரவாயில்லையே , இருவருக்கும் மரணத்துக்கு நிகரான ஒன்றை கொடுத்து விட்டு அல்லவா போகும்,

"ப்ச் ஒரு பேச்சுக்கு சொன்னா தாலியை கட்டுவியா ??

"எது சொல்றதா இருந்தாலும் தெளிவா சொல்லுன்னு உன்கிட்ட ஆயிரம் தடவை சொல்லி இருக்கேன்ல 

டேய் எது செய்றதா இருந்தாலும் நாலு தடவை கேட்டு செய்ய மாட்டியாடா , 

"ப்ச் இப்ப என்ன ஆச்சு கட்ட சொன்ன கட்டியாச்சு விடு பார்த்துகலாம் "

"என்னத்த பார்த்துக்கலாம் சொர்கத்துக்கு ரெண்டு பேரையும் அனுப்பி விடுவாங்க , அங்க போய் உன்ன நானும் என்ன நீயும் பார்த்துக்க வேண்டியது தான்.. அவ எல்லாம் பொண்ணே இல்லடா சேசா 

போஸ்ட் மார்ட்டர் பண்ணினா தான் ஜெண்டர் கண்டுபிடிக்க முடியும் ... 

ஆஆஆஆஆஆ சிக்க கூடாத இடத்துல சிக்கி இருக்கடா  

"ப்ச், நீதான் என் மாமன் உட்கார்ந்து கண்ணீர் வடிக்கிறான்... நீ தாலியை கட்டிட்டா பிரச்சனை ஓவர், தாலி கட்டுறியா சேசான்னு கேட்ட, கட்டியாச்சு அவ இங்க வந்து ஆடுறா, எனக்கு தெரியாது ரெண்டு நிமிஷத்துல அவ போஸ்ட் மார்டம் ரூம் விட்டு போகல எட்டாவது டெட் பாடியா தூக்கி போட்டு போஸ்ட் மார்டம் பண்ணிடுவேன் சொல்லிட்டேன்... என்று சேசா ஃபோனை வைக்க ... அவனை கடித்து ரத்தம் குடிக்கும் வெறியோடு பார்த்து கொண்டு மயூரா நிற்க....  

என்ன என்ற விதமான சேஷா புருவம் தூக்கிட 

"கூட்டு சேர்ந்து சதி பண்றீங்களா, அந்த ஆளை அப்பாவை ஏத்துப்பேன்னு" அவள் தொடை தட்டி சபதம் விட வாயை திறக்க பார்க்க .. ம்ஹூம் எங்கே பேச விட்டான் ,. 

"உஸ்ஊஊஊஊ என்று அழுத்தி சத்தம் கொடுத்த சேஷா 

"அவன் கட்ட சொன்னான்... கட்டியாச்சு, எதாவது கதை சொல்லணும்னா அவன் கிட்ட போய் சொல்லு, அவன் நம்பர் சொல்றேன் குறிச்சுக்க, அங்கேயே பேசு" என்று சேசா காதை குடைந்து கொண்டே சித்திக் நம்பரை கூறியவன்..

"அப்படியே போகும் போது காப்பி சொல்லிட்டு போ" என்று அவள் கையில் இருந்த கத்தியை தட்டி தன் கைக்கு கொண்டு வந்தவன் உள்ளே போய் கதவை அடைத்து கொள்ள காலை தரையில் உதைத்த மயூரா ... 

ஆஆஆஆஆஆஆஆஆஆ தொங்கனா கொடுக்கா, உன்ன சாகடிச்சு உன் சாமதியில உட்கார்ந்து இந்த தாலியை அறுக்கல நான் மயூரா இல்லடா என்று கத்திவிட்டு போனாள்... 

அவள் வந்து போன இடமே புயல் வந்து புழுதி பரப்பி போனது போல இருந்தது ...

அமைதியான நதியும், ஆர்பரிக்கும் கடலும் இணைந்தே தீரும் இது இயற்கை நியதி....