மான்சினீல் மயூரா 1
Maya1
Sujachandran
1மான்சினீல் மயூரா !!
மான்சினீல் "மரணத்தின் ஆப்பிள்" இதன் பழம் ஆரம்பத்தில் இனிப்பாகவும் அதன் பிறகு உயிரை குடிக்கும் அளவு நச்சுத்தன்மையும் கொண்டது எனவே இதை மரணத்தின் ஆப்பிள் என்று கூறுவர் ..
இன்று, ஆந்திர முதல்வரின் மகனு வெங்கட்டுக்கும் வட்டி பத்மாவதியின் மகள் தளிர் கொடியாள் மயூராவிற்கும் திருமணம் ..
போக்குவரத்து வாகனங்கள் எல்லாம் ஸ்தம்பித்தது.. மணிக்கணக்காக அந்த திருமணம் நடக்கும் இடத்தை சுற்றி , ஹாரன் சத்தம் ஒலித்துக் கொண்டிருந்தது ... போலீசார் மணமகன் வரும்வரை ஒற்றை வண்டி இந்த இடத்தை விட்டு நகரக் கூடாது என்று அத்தனை வண்டியையும் நிப்பாட்டி வைத்திருந்தனர் ...அதில் ஆம்புலன்ஸ் வண்டிகளும் அடக்கம் ... யாரோ ஒருவரின் ஆடம்பரத்திற்காக அன்றாட காட்சிகள் கண்ணீர் வடிப்பதுதான் நவீன உலகத்தின் பொழுதுபோக்கு..
கோடி கோடியாய் கொட்டி பிரம்மாண்டமாக ஒரு திருமண ஏற்பாடு
மேலிருந்து கீழ் வரை வைர அணிகலன்கள் அணிவகுக்க... பட்டுச் சேலையில் கூட வைரமும் தங்கமும் இழைத்து நெய்யப்பட்ட சேலையில் வட்டி பத்மாவதி மணமகள் அறையில் சுருட்டை இழுத்து கொண்டு நிற்க ...
பத்மாவதி கண்ணோ எதிரே இருந்த அவளைத்தான் இளக்காரமாக பார்த்தது ..
தன் காதல் தோல்விக்கு மருந்து இவளின் சிதை தானே .... இளங்கோ பெத்த மகளை பிரித்து வைத்து இன்பம் காணும் ராட்சசி ஆயிற்றே.. இவளோ , தாயினும் சிறந்த கோவில் இல்லை என்று சொல்லும் போது கோடி இன்பம் காண்கிறது பத்மாவதி கேடு கெட்ட இதயம் ..
தங்க நிற பட்டு சேலையில் பேருக்கு நாலு நகை, மஞ்சள் பூசிய அழகிய வண்ண முகம் ..அதில் மூன்று கல் வைத்த மூக்குத்தி கண்ணுக்கு கண் மை , கைக்கு யானைதந்த வளையல்கள் காலில் அன்னம் வைத்த கொலுசு... இடுப்பு கொசுவ மடிப்பு அருகே செல்போன் சொருகி, தலைக்கு மேல் கண்ணாடியை லேண்ட் பண்ணி ஒரு சிறுத்த இடைக்காரி நிற்க ...
மேடம் காலை கொஞ்சம் தூக்கி மேல வைங்க நெயில் பாலிஷ் போடணும் என்று ப்யூட்டிசியன் கூற , மயூரா தன் சேலையை முழங்கால் வரை தூக்கி, ஒற்றை காலை தூக்கி பெட் மீது வைத்து கொண்டு நிற்க ... அங்கே நின்ற அல்லக்கை எல்லாம் தலை குனிந்து கொண்டனர், அவளோ எவன் இருப்பதை குறித்தும் சட்டை செய்ததது போல இல்லை.. கசகசத்த சேலையை இழுத்து சுகாதாரமாக போட்டு கொண்டு , வெட்கம் மடம் நாணம் எல்லாம் மருந்துக்கும் இல்லாமல் பத்மாவதி நீட்டிய போனை வாங்கி காதில் வைத்தவள்தான் நம் நாயகி
தளிர்கொடி மயூரா வயது 22
யாரு அம்மா ?
"அந்த முதல்வர் மகன் வெங்கட்டு ....
"ப்ச் என்னவாம்?" என்று முகத்தை சுளித்தாள் இன்னும் சிறுது நேரத்தில் அவள் கழுத்தில் தாலி கட்ட போகிறவனுக்கு மரியாதை எல்லாம் இம்மி கூட கிடையாது
பேசணும்னு சொன்னான், அவனும் மூணு மாசமா உன்கிட்ட பேச ட்ரை பண்ணுறான், நீ பேசவே இல்லையாமே என்று பத்மாவதி புகையை விட
"அவன் என்ன பத்மாவதியா இல்லை படைச்ச கடவுளா , கடவுளே வந்தாலும் எனக்கு மூட் இருந்தா தான் பேச முடியும் "
"பத்மாவதின்னா
"என் உசுர் போனாலும் உன் சத்தத்துக்கு பதில் தருவேன்ம்மா என்ற மகளை கருத்த உதட்டில் சயனைட் தடவியது போல வஞ்சனை கொண்டு வளைத்து சிரித்தாள் பத்மாவதி....
"அம்மா சொல்றேன் பேசு
"ம்ம் என்று கதறி துடித்த போனை ஆண் செய்து மயூரா காதில் வைக்க
"ஹாய் பேபி
"நான் என்ன அம்மணமாவா கிடக்கேன், பேபிங்கிற நான் வளர்ந்து ஆளாகி 22 வயசு ஆகி போச்சு மயூரான்னு கூப்பிட்டு பழகு" என்றவள் பேச்சில் அங்கே சிறுது நேரம் அமைதி..
"இன்னா விஷயம், உன் பிரெண்ட் தான அந்த டைரக்டர் லாரன்ஸ் பத்து கோடி ரூபாய்க்கு வட்டியும் வரல முதலும் வரல என்ன நினைச்சுட்டு இருக்கான் இறுகிய ஜாக்கெட்டில் ரெண்டு கொக்கியை கழட்டி விட்டு கொண்டு பேச்சை தொடங்கினாள் அவள் அங்க லாவண்யத்தை எவனாவது ரசித்து விட்டு உயிரோடு நகரந்து விட முடியுமா ..
ஒரு பெண் நடு இரவு சுதந்திரமாக சுற்றி வந்தால் அதுதான் உண்மையான சுதந்திரம் என்ற வாக்கியம் இந்தியாவில் நிறைவேற வாய்ப்பே இல்லை என்று அறிந்ததாலோ என்னவோ... அந்த தனிசுதந்திரத்தை அவளே எடுத்து கொண்டாள்....
எவனாவது என்னை பாரு , கண்ணை நோண்டி காக்காவுக்கு போட்டுடுறேன் என்று சொல்வது மட்டும் இல்லை செய்தும் விடுவாள் எனவே அவள் அரைகுறையாக இல்லை ஆடையே இல்லாது வந்தாலும் அவளை ஒரு ஆண் கண் தூக்கி பார்த்து விட முடியாது ....
"எப்பவும் வட்டி பணம் பைனான்ஸ் இதைத்தாண்டி வேற எதுவும் பேச மாட்டியா மயூரா இன்னும் கொஞ்ச நேரத்துல உனக்கும் எனக்கும் கல்யாணம்
"இருந்துட்டு போகட்டும் அந்த பணத்துக்காக தானே நீயும் என்னை கல்யாணம் கட்டிக்க போற, விவரமா பசை உள்ள பத்மாவதி மகளை வளைச்சு போட்டா காசு மழை கொட்டும்னு என் கழுத்துல தாலி கடட போற
"அப்படி எல்லாம் இல்லை மயூரா
"தொங்கனா கொடுக்கா, எங்க ரோட்டுல போற பிச்சைக்காரிக்கு தாலி கட்டுவியா என்ன
"அது எப்படி முடியும்
"பின்ன என்ன இல்லை நொள்ளைங்கிற..
"சரி உன் கிட்ட கொஞ்சம் பேசணும் ...
"உன்னைய தான்டா நான் தேடிட்டு இருக்கேன் உன் கிட்ட நான் தான் பேசணும்.. எனக்கு பேசும்போது குறுக்க பேசறது பிடிக்காது ..
"ம்ம் பேசு ,
"நான் பேசுறேன் நீ கேளு, 22 வருஷமா எங்க அம்மா என்னைய ஆந்திராவிலேயே வச்சு வளர்த்துட்டாங்க ஏதோ ஜோசியம் சரியில்லையாம்ல... அம்மாவும் நானும் சேர்ந்து இருந்தா, அம்மா உசுருக்கு ஆபத்துன்னு ஒரு ஜோசியக்காரன் சொன்னதுனால வேற வழி இல்லாம பிறந்ததுல இருந்து இப்போ வரைக்கும் அம்மாவை பிரிஞ்சு ஆந்திராவிலேயே இருந்துட்டேன்.... என் கழுத்துல நீ தாலி கட்டுனா என் அம்மா என் கூட இருக்கலாம்னு சொன்னதனால , அந்த ஒரே காரணத்துக்காக தான் உன்னைய கல்யாணம் கட்டிக்க சம்மதம் சொல்றேன் புரியுதா?
"ம்ம் அவனோ தாலி கட்டிக்கிறேன்டி , இளசா சுத்துற உன்னையும் வித்து பணம் ஆக்குறேன், உன்ன மாதிரி சண்டிக்குதிரை கறியை கோடி ரூபாய்க்கு வித்திட மாட்டேன் அம்மாவாம் அம்மா.. உன்ன கொன்னு உன் கறியை விருந்தாக்க போறதே அதுதான் அது தெரியாம ஏமாந்து சுத்துது என்று தலையில் அடித்து கொண்டான் ...
"தாலி கட்டிட்டேன், வந்து படுக்க வா, புள்ள கொடு புருஷன் சொல்றததான் கேட்கணும்.. வீட்டுக்குள்ள அடங்கி இரு, அப்படி இருக்கணும் இப்படி இருக்கணும்னு ரூல்ஸ் எல்லாம் போட்ட, காது மேலேயே பளார்னு போட்டுருவேன்... தாலி கட்டுறதோட சரி... எனக்கு தேவைப்பட்டா வந்து படுன்னு சொல்லுவேன் படுக்கணும் ... என் அனுமதி இல்லாம.. என் முடிய கூட நீ தொடக்கூடாது புரியுதா ??
"அப்புறம் பொண்டாட்டின்னு ஆயிரத்தெட்டு ரூல்ஸ் வச்சிருக்கீங்களே, அதையெல்லாம் என்கிட்ட இன்புட் பண்ணலாம்னு நெனச்ச ... மல்லாக்க படுக்க போட்டு மர்ம பகுதியிலேயே மிதிச்சு சாவடிச்சிடுவேன் புரியுதா ?"
ம்ம்
"நீ முதல்வருக்கே மகனா இருந்தாலும் இந்த பத்மாவதி மகளுக்கு நீ தூசுதான், ஓவரா வாயை கிழிக்கிறது, ஆம்பளைங்கிற தெனாவெட்டு பண்றது எல்லாம் பண்ணலாம்னு நினைச்ச, அந்த தாலியை கையில எடுத்துறாத, அப்புறம் காணாத பொணமா ஆக வேண்டியதிருக்கும்... என்ன பத்தி தெரியும் இல்ல என்று புருவத்தை மீனாக வளைத்தவள் பேச்சில் மட்டும் திமிர் இல்லை .
அவள் நெற்றியில் சுருண்டு விழும் குழலில் கூட திமிர இருந்தது, கண்களில் உருண்டு விளையாடிய அந்த கருவிழிகள் கூட திமிரை வெளிப்படுத்த திமிரழகி தான் ...
சரி மயூரா உன்ன பத்தி தெரியாதா எனக்கு ... உனக்கு பிடிச்ச மாதிரி இருக்கிறேன்" ....
" ம்ம் ம்மா இந்தா" என்று போனை தன் தாய் அருகே தூக்கி போட்டவள்
"ஒன்ஸ் போயிட்டு வர்றேன்" என்று விரலை நீட்டி சத்தம் போட்டு சொல்லி வி்ட்டு மயூரா ரெஸ்ட் ரூம் நோக்கி போக ... பத்மாவதி அல்லக்கைகளை வெளியே அனுப்பி விட்டு படுக்கை மீது ஒற்றை காலை தூக்கி வைத்து கொண்டு அமர
என்ன பத்மாவதி உன் மக பேச்சு, தோரணை ஒரு தினுசா இருக்கு இவகூட மனுசன் வாழ்வானா? வெங்கட் பல்லை கடிக்க
"ஏன் நீ பொண்ணே பார்த்து இல்லையா? என்னவோ அவளை கட்டி வாழ்றவன் கணக்கா கொணட்டிட்டு இருக்க, நானே உனக்கு இளசா ஏகப்பட்டவளுகளை படுக்கைக்கு அனுப்பி இருக்கேன் மறந்து போச்சோ..
"ப்ச் சரி சரி கத்தி தொலையாத பத்மா...
"அது , நான் போலீஸ்ல மாட்டுன நீயும் மாட்டுவ "
அதுக்காக தான உன் மகளை கல்யாணம் பண்ணி கொடுத்து லாக் பண்ண பார்க்கிற ,
"நாலா பக்கமும் வேலியை போட்டு வச்சிட்டான் அந்த டாக்ட்டர் சித்திக்.... இவளை வச்சிதான் தப்பிச்சு ஆகணும் ... முதல்வர் சம்மந்தி மட்டும் ஆயிட்டேன், போலீஸ் என் மேல கை வைக்காது ... என் மேல கை வச்சது "
நானும் மாட்டிப்பேன்னு ப்ளாக் மெயில் பண்ணுறியா"
ம்ஹூம் நேரிடையாவே மிரட்டுறேன்.... இங்க பாரு அவளை கட்டிட்டு போய் ராணி மாதிரி வச்சி வாழ்ந்துட்டு இருக்காத ... பேருக்கு தான் அவ ராணின்னு அவளை நம்ப வைக்கணும் , இத்தனை வருடமாக அவ வளர்ந்தது என்னவோ அனாதையா தான் ஆனா பத்மாவதி மகன்னு நம்ப வச்சேன் பார் அதே போல தான் இனிமேலும , அவ நமக்கு பெரிய மீனை பிடிக்கிற தூண்டில் அவ்வளவு தான் .... நம்ம ரெண்டு பேரையும் போலீஸ் வாட்ச் பண்ண ஆரம்பிச்சிடுச்சு .... இனி நம்ம தொழிலுக்கு அவளுக்கே தெரியாம இந்த மயூராதான் முடிசூடா ராணி!! இவளே வச்சே இனி நம்ம தொழிலை பண்ண போறோம்...
புரியுது புரியுது பொம்மை அரசி ... நிழல் உலகத்துக்கு அரசின்னே தெரியாத அவளை வச்சி நம்ம காரியத்தை சாதிக்க போறோம் அதான?
அதேதான், அதனால அவகிட்ட பேசி வாங்கி கட்டிக்காத என் வளர்ப்புல்ல ஆம்பளையை கண்டா ஏகிறிட்டு தான் நிப்பா
ம்க்கும் அம்மா அம்மாங்கிறா... ஆனா நீ ஒருநாள் கூட அவளை மகளா நினைச்சது கூட இல்லை அவ்வளவு ஏன் அவகூட ஒரு நாள் கூட இருந்தது இல்லை ... "
"இவளுக்கு அன்பை கொடுத்து கொஞ்சவா தூக்கிட்டு வந்து வளர்த்தேன் ... அந்த இளங்கோ சாகும் போது கூட நிம்மதியா செத்துட கூடாதுன்னு தான் இவளை இத்தனை நாளும் பொத்தி வச்சி, இப்ப அவன் கண்ணுல காட்டுனது இவ கொஞ்ச கொஞ்சமா அழிஞ்சு போறதை பார்த்து அவன் சாகணும் சரி சரி வை சீக்கரம் வந்து சேர் , அவ வர்றது போல இருக்கு வைக்கிறேன் என்று பத்மாவதி போனை வைத்தாள் ...
கான மயிலாட அதை கண்டிருந்த
வான்கோழி தானும் மயிலாக நினைத்து
சிறகை விரித்து ஆடியதாம்
அப்படியே இந்த மயில் சேராத கூட்டத்தில் சேர்ந்து தான் மயில் என்பதை மறந்து வான்கோழியாக சுற்றி திரிகிறது...
வான்கோழி எப்படி மயிலாக மாற இயலாதோ
அப்படியே
மயிலும் வான்கோழி ஆகி விட முடியாதே !!
மயில் றெக்கையை புடுங்கி விளையாட இயந்திர பறவையில் துள்ளி ஏறினான் நாயகன் ... வானில் அவன் பறவை பறந்து ஆந்திரா நோக்கி சீறியது...
மரணத்தின் கனி அவள் என்றால்
இவன் மரணத்தையே கேளிக்கையாக வைத்திருப்பவன் இவன், அவனிடம் செல்லுமா அல்டாப்பு ராணியின் தந்திரங்கள்?
