மான்சினீல் மயூரா12

12 மான்சினீல் மயூரா !!

"மாமா நடந்த பழைய விஷயங்கள் எதையும் சொல்லி அவளை சங்கடப்படுத்தாதீங்க அவ இருக்கிற மாதிரி இருக்கட்டும் ..

"இல்ல சாமி நாங்க வாய தொறக்க மாட்டோம்... என்ன துள்ளிக் குதிச்சு ஓடுன புள்ள, அறைக்குள்ளைளே அடைஞ்சு கிடக்குதுன்னு மனசெல்லாம் வெம்மி துடிக்குது... 

"ம்ம், அவளுக்கு இந்த சூழ்நிலை புதுசு இல்ல மாமா.. சிலேட்ல வரைஞ்ச படத்தை அழிச்சிட்டு புதுப்படம் வரைஞ்ச மாதிரி அவளோட மூளைக்குள்ள வரைஞ்சு வச்சிருந்த அத்தனை நினைவுகளையும் அழிச்சிட்டு புதுசா நம்மளை எல்லாம் பார்க்கும்போது, அவளுக்கு ஒரு தயக்கம், பயம் இருக்குல்ல .... நம்ம கூட பழக நம்மள பத்தி புரிஞ்சுக்க டைம் கொடுக்கணும் இல்ல "

"ஆமா தம்பி நேரம் எடுத்துக்கட்டும்... உங்க முகம் சோர்ந்து போய் கிடக்குதே சாப்பிட்டீங்களா என்று இளங்கோ சித்திக் முடியை கோதிவிட ...

"எப்படி சாப்பிட முடியும் ஏன் மாமா அவனுக்கு மட்டும் எதுவுமே கிடைக்க மாட்டேங்குது. அவனை நானும் புரிஞ்சுக்கல, இப்போ அவன புரிஞ்சுக்க வேண்டியவளும் எதுவுமே தெரியாம அவனை விரட்டி விடுறா.... வீட்டு வாசல்ல தவம் கிடக்குற என் நண்பனை பார்க்கும்போது, இருதயத்துக்குள்ள ஈட்டி வச்சு குத்துற மாதிரி இருக்கு .. ஒரு பார்வை பார்த்துட மாட்டாளான்னு இந்த வீட்டு வாசல்ல பிச்சைக்காரன் மாதிரி காத்து இருக்கான்... 

ம்ம் பார்த்தேன் வெயில் மழைன்னு பாக்காம நம்ம வீட்டு வாசலிலேயே அந்த புள்ள நிக்குது 

"என் நண்பனை தனியா எல்லா இடத்திலும் தவிக்க விட்டுட்டேன் மாமா ... அன்னைக்கு மட்டும் அவன் என்ன பாக்க வராம இருந்திருந்தா, அவனும் சந்தோஷமா இன்னைக்கி இருந்திருப்பான்ல இதுக்கு காரணம் நான் தானேன்னு கில்டியா இருக்கு மாமா" என்று சித்திக் கலங்கிய கண்ணோடு தலையை குனிந்து உட்கார்ந்திருக்க.. அவன் கண்ணை துடைத்து விட்ட இலை, சித்திக்கை தன் இடையோடு அணைத்து பிடித்துக் கொண்டு 

"உங்கள் காதலை புரிஞ்சுக்க , எனக்கு அவகாசம் தேவைப்பட்டது போல , அவர் காதல புரிஞ்சுக்க அவளுக்கும் கொஞ்சம் அவகாசம் கொடுக்கணும் இல்ல ..."

"நான் வேற ஆனா அவன் மனசுக்குள்ள போட்டு தன்னைத்தானே இறுக்கிட்டு இருப்பான் 

"சீக்கிரம் எல்லாம் மாறும் "

"மாறனும் அவனை ஒரு அளவுக்கு தான் கட்டுபடுத்த முடியும் மண்டை கழண்டு போனான் அப்புறம் அவன் இஷ்டப்படி தான் பண்ணி தொலைவான் ... உங்க அப்பாகிட்ட கோர்த்து விட்ட மாதிரி குண்டக்க மண்டக்க செஞ்சு வச்சிட்டு போயிடுவானேன்னு பயமா இருக்கு ... இனி எல்லாம் மயூரா கையில தான் இருக்கு... 

" அந்த பொம்பளையை கண்டுபிடிச்சாச்சா

"இல்ல, ஆள் தலைமறைவு, அந்த பொறுக்கி கமிஷனர் ஏதோ வெளிநாட்டுக்கு தப்பிச்சு ஓடினதா தகவல் வந்தது ... இப்போதைக்கு அதை எல்லாம் பார்க்கிற நிலைமையில அவனும் இல்ல நானும் இல்ல... முதல்ல மயூரா சரியாகட்டும்

"ம்ம் 

" மயூரா சாப்பிட்டாளா

"ம்ஹூம் நான் போகும் போது தூங்கிகிட்டு இருந்தா 

"நார்மலா இருக்காளா ?

"எங்க, எங்க கூட எல்லாம் பேசுறதே இல்லை ஏதாவது கேட்டா சின்னதா ஒரு சிரிப்பு சிரிக்கிறா மத்தபடி நம்ம குழந்தையை மட்டும் மடியில வச்சுக்கிட்டு அது கிட்ட மட்டும் விளையாடிகிட்டு இருக்கா... வேற யார்கிட்டயும் அவ பேச விரும்பல 

"அடம் பிடிக்கிறாளே , அவன வீட்டுக்குள்ள விட்டாவே பைத்தியம் மாதிரி கத்துறா... அந்த ஆளை வெளிய போக சொல்லுங்க , இல்லன்னா எங்கேயாவது ஓடிடுடுவேன் அலறி வைக்கிறாளே .... சேஷா கையில கால்ல விழுந்து அவனை வெளியே தள்ளுறதுக்குள்ள எனக்கு நாக்கு தள்ளிடுது என்று சித்திக் தலையை வேதனையில் பிடிக்க 

"அதான் எனக்கும் தெரியல உங்கள எங்களையெல்லாம் ஏத்துக்க முடிஞ்ச அவளால ஏன் சேஷா அண்ணாவை ஏத்துக்க முடியல

"என்ன இழவோ தெரியல .... அவனை மட்டும் விரட்டி அடிக்கிறா... அவனுக்கும் சந்தோஷத்துக்கும் பொருத்தம் இல்ல போல.... இங்க ஹாஸ்பிட்டல்ல இன்சார்ச் எடுக்க போறேன் .... என்ன மாமா சொல்றீங்க 

"என் விருப்பத்தை விட உங்க எல்லார் விருப்பமும் தான்ய்யா எனக்கு பெருசு எல்லாருக்கும் இவகிட்டு தான் செளகரியமா இருக்கும்னா இங்கேயே இருப்போம் ....

"ம்ம் குழந்தை அழும் குரல் கேட்டு இலை மெல்ல மாடியில் உள்ள மயூரா அறையை சத்தம் இல்லாது திறக்க இருட்டு அறையில் படுக்கை மீது அழும் குழந்தை காலில் முத்தமிட்டு 

"என் செல்லம் அம்மா தேடுதா அம்மாகிட்ட போவோமா "என்று குழந்தையை தூக்கி தோளில் போட இலை விளக்கை போட்டாள் .... மயூரா வெள்ளை நைட்டி அணிந்து இருந்தாள் வெளிறிய முகம் பொட்டு இல்லை முகத்தில் தேஜஸ் இல்லை கலை இழந்த முகம் புன்னகை மறந்த இதழ் தூங்கி பல நாள் ஆன கண்கள் ... முகத்தில் அங்கங்கே காய தழும்பு என்று எப்படியோ இருந்தாள் ... 

"குட்டி முழிச்சிட்டானா ? 

"ம்ம் 

"சாப்பிட வர்றியா மயூ

"ம்ஹூம் பசிக்கல 

"நைட்டும் இப்படிதான் சொன்ன மருந்து மாத்திரை சாப்பிடுறல்ல நேரத்துக்கு சாப்பிட வேண்டாமா சாப்பாடு மேல எடுத்துட்டு வரவா 

 ம்ஹூம் நானே வர்றேன் "

"ம்ம் குளிச்சிட்டு இறங்கி வா.. ரூமுக்குள்ள அடைஞ்சு கிடக்காது வெளிக்காத்து கொஞ்சம் படணும் "என்று இலை வெளியே போக ...

குளித்து வி்ட்டு மயூரா தலையை உதறியவள், வந்து பால்கனி கதவை திறந்து, ஈர டவலை காயப்போட்டு விட்டு திரும்ப போனவள் ஏதோ தோன்றி குனிந்து பார்க்க.... அந்த வெட்ட வெயிலில் பைக் மீது உட்கார்ந்து அண்ணாந்து அவள் அறையை பார்த்தபடி சேஷாத்திரி சிகரெட்டை இழுத்து விட்டு கொண்டு இருந்தவன் அவளை கண்டதும் பைக்கை விட்டு இறங்கி நின்று அவளை பார்க்க.... சட்டென உள்ளே ஓடி வந்த மயூரா அங்குள்ள பொருளை எல்லாம் இழுத்து போட்டு உடைத்தாள் 

"அந்த ஆள இங்க வரக்கூடாது, நான் அந்த ஆளை பாக்க கூடாதுன்னு உங்க கிட்ட எல்லாம் எத்தனை தடவை சொல்லி இருக்கேன்... மறுபடியும் அந்த ஆள ஏன் இங்கே வந்து நிற்கிறான்.. எனக்கு அந்த ஆளை பாத்தாலே பைத்தியம் பிடிக்கிற மாதிரி இருக்கு அவர போக சொல்லுங்க .... இல்ல யாருகிட்டயும் சொல்லாம நான் இந்த இடத்தை விட்டு காலி பண்ணி போயிட்டே இருப்பேன்" என்று மயூரா கத்திய கத்து தெரு முனைவரை கேட்டிருக்கும் சேஷாத்திரிக்கு கேட்டிருக்காதா என்ன ? 

மேல் அறையில் இருந்து மயூராவின் அலரும் சத்தம் கேட்டு இளங்கோவும் இலையும் அவளை நோக்கி ஓட... சாப்பிட கை வைத்த சித்திக் கையை கழுவி விட்டு தன் நண்பன் நோக்கி ஓடினான்..

அத்தான் போயிருக்கார் அவரை அனுப்பி விட்டு இருப்பார், எதுவும் பண்ணாதடி கையில் கூர்மையான கண்ணாடி துண்டில் வைத்துக் கொண்டு நின்ற மயூராவின் கையை இலை அழுத்திப் பிடித்துக் கொள்ள... இளங்கோ மகளை பின்னால் இருந்து அணைத்து கொண்டு அவளை அசைய விடாமல் பிடித்துக் கொண்டார் 

அப்போ அந்த ஆள போக சொல்லுங்க.. ம்ம் இன்னொரு தடவை இங்க வந்து நின்னார்.. உங்க யாரையும் எதுவும் பண்ண மாட்டேன், இதால ஏன் கழுத்த குத்தி கிழிச்சு செத்துடுவேன் சொல்லிட்டேன் ... 

சரிடி அதை கீழே போட 

அவரை போக சொல்லு

நீ அதை போடு நான் போய் சொல்றேன் என்று இலை அவளோடு மல்லு கட்டி கண்ணாடி துண்டை வாங்கி கொண்டு இருவரும் இறங்கி வந்தனர்.. 

"டேய் உன்கிட்ட எத்தன தடவைதான் சொல்றது போய் தொலடா...டெய்லியும் இப்படி வந்து நின்னு அத்தனை பேரையும் டார்ச்சர் பண்ணிக்கிட்டு.. அவ ஏதாவது ஒன்னு கடக்க ஒன்னு செஞ்சிடப் போறா... அவ தான் சொல்றாளே , உன்ன பார்க்க புடிக்கலன்னு ஏன்டா வீம்பு பிடிக்கிற "என்று சித்திக் சேஷாவின் தோளில் கை வைத்து அவனை அனுப்ப பார்க்க 

இன்னும் மீதி இருந்த சிகரெட்டை இழுத்து விட்டுக் கொண்டிருந்தவன் மயூராவின் குரலை காதில் கேட்டு ரசித்து கொண்டு இருந்தான்.. 

"ப்ச் உன்கிட்ட தான் பேசிட்டு இருக்கேன்" என்று சேஷா கையில் இருந்த சிகரெட்டை தூக்கி கீழே வீசிய சித்திக்

"உன்கிட்ட தான்டா சொல்லிக்கிட்டு இருக்கேன் உனக்கு புரியல, போடா "என்று கோபத்தில் கத்த

"அவ சொன்னா அவளை லவ் பண்றதை விடனுமா அவ சொன்னா அவளை பார்க்க கூடாதா, அவ சொன்னா அவளை விட்டுடனுமா? முடியாது அவ சொன்னாலும் அவளை காதலிக்கிறதை நிறுத்த முடியாது, அவளை பார்க்க வர்றதை நிறுத்த முடியாது.. அவள விட முடியாது... அவ என் ரதி எனக்கு அவ வேணும் ., எனக்கும் அவளுக்கும் நீங்க எல்லாம் யாருடா? என்ற சேஷா பேச்சில் தலையை பிடித்தவன்.... சேஷா கண்கள் ரசனையாக விரிவதை கண்டு சித்திக் திரும்பி பார்க்க அவர்களை நோக்கி விறுவிறுவென நடந்து வந்து கொண்டு இருந்தாள் மயூரா... 

"இதை பொறுக்கிட்டு போக சொல்லுங்க இனிமே எனக்கும் அந்த ஆளுக்கும் எதுவும் இல்லைன்னு புரியும் படி சொல்லிடுங்க.... வந்து தொல்லை பண்ண சொல்லாதீங்க" என்று ஒரு பேப்பரை சேஷா மீது வீசிவிட்டு வந்த வேகத்தில் மயூரா உள்ளே ஓடி விட சேஷா அதை விரித்து பார்க்க 

விவகாரத்து பத்திரத்தில் குண்டு குண்டாக அவள் பேரை கையெழுத்து போட்டு வைத்திருந்தாள்.... அதை தன் முகத்தோடு வைத்து அழுத்தி அவன் மனைவி வாசத்தை இழுத்து சுவாசித்து கண் மயங்கி சேஷா நிற்க 

"டேய் அவ காறி துப்பிட்டு போறா, நீ பல்லை காட்டிகிட்டு நிக்கிற 

"டைவர்ஸ் பண்ணினா விட்டுட்டு ஓடிருவேன்னு என் ரதி நினைச்சிட்டா போல ... போய் சொல்லு.. எங்க ஓடினாலும் உன் புருசன் பின்னாடியே தான் வருவான்னு ... அவளை எவ்வளவு காதலிக்கிறேன்னா, அவ கள்ளத்தனத்தை கூட கண்டுபிடிக்கிற அளவு .... அவளை பத்தி எனக்கு தெரியும்னு போய் சொல்லு " என்று பைக்கை கிக் செய்தவன்  

"நாளைக்கும் வருவேன் " என்று அண்ணாந்து அவள் அறையை பார்த்து கூறிவிட்டு தலையசைத்து விட்டு போக... இருட்டு அறையில் சாளரம் மெலிதாக அசைந்தது.... அவள் மறைந்து நிற்கிறாள் என்று அவன் மட்டுமே அறிவான் ...

"என்னத்த சொல்லிட்டு போறான் என்று சித்திக் புரியாது அவனும் அண்ணாந்து பார்க்க மயூரா அறை இருட்டாக தான் கிடந்தது ... 

"எப்படியோ எனக்கு பேமிலி பிளானிங் பண்ணி விட போறான் அது உறுதி" என்று முனங்கி கொண்டு சித்திக் நகர... அந்த சாளரத்தை மயூரா விரல்கள் மெல்ல நகட்டியது.... சேஷா நின்ற இடத்தை அவள் கண்கள் கலங்கி பார்த்தபடி நின்றவள்... எல்லாரும் வேலையில் கவனமாக இருப்பதை ஒரு பார்வை பார்த்துவிட்டு கதவை சத்தமில்லாது திறந்து வெளியே ஓடியவள் அவன் இழுத்து விட்டு போட்டிருந்த சிகரெட்டுகளை தூக்கி கொண்டு ஓடி வந்தாள்.. அதை முகத்தோடு வைத்து அவன் நறுமணத்தை காயப்பட்ட தன் மனதுக்கு மருந்தாக்கி கொண்டு நின்றாள் அவன் மயூரா !! 

தூங்குகிறவரை எழுப்ப முடியும் தூங்குவது போல நடிப்பவனை எழுப்ப முடியாது... மறந்தவளுக்கு ஞாபகப்படுத்தலாம், மறக்கவே செய்யாதவளுக்கு எப்படி ஞாபகப்படுத்த முடியும்? அவனை விட்டு விலக வேண்டும் என்று நினைத்து மறதி என்னும் வளையத்தை போட்டுக் கொண்டவளை எப்படி நெருங்க முடியும்?  

பெண்மை கற்பு காதல் திருமணம் பத்தி அறிந்த பின்பு கறை படிந்த தான் புனிதமான அவனுக்கு இணை இல்லை என்று ஒதுங்க நினைத்து ஓடுகிறாள் .. 

என் காதல் உன் காலிடையில் இல்லை என்று அவன் புரிய வைக்க முயல்கிறான், புரிந்தாலும் ஏற்று கொள்ள மறுக்கிறது அவள் மனம் 

மனம் தான் மரணத்தின் கனி !! ஒருவன் வாழ்வதும் சாவதும் மனம் கொண்டுள்ள திடத்தை பொறுத்தே மாறுபடும் !!